Kiefte

De kiefte

n Kieftsnest

De kiefte (Vanellus vanellus) is een van de meestveurkoemende weidevoegels in de Benelux mer zoemers trekt de kiefte naor t zujen toe um te overwienteren.

Uterlik

De kiefte is zwart-wit en daor deurhinne hef e wat greun bie zitten. Hij wördt gemiddeld 30 tot 35 sentimeter lange. Hij hef n zwarte baand op zien borst en op zien kop hef e n lange zwarte kuuf, die umhoge kan staon. Zien vleugels bin aordig lange mer ondanks dat e lange vleugels hef vlög e altied langzaam.

Voortplaanting

Disse voegel leegt zien eiers in n kuultjen in t gres. Zien eiers gölden vrogger as delikatesse. In Frieslaand hebben ze de tradisie um eiers te rapen (aaisykje), t eerste kieftsei wördt dan an Kommesaores van de Koneginne an-ebeujen en kondigt t begin van de lente an. Bie t aaisykje wördt t nest emarkeerd zodat de boeren weten dat der n nest is en zodoonde oppassen mit t meien van t gres. t Breuiseizoen van de kiefte löp van half meert tot an juli. Voegels waorvan t eerste breuisel mislokt, proberen t vake laoter in t seizoen weer. n Nesjen besteet meestentieds uut vier eiers van gemiddeld 47 × 34 mm. t Breujen duurt 26 tot 28 dagen.

Waornemingen in Nederlaand

• Waornemingen ku'j hier melden
• Kaorte van Nederlaand mit waornemingen

Nedersaksies

• Drèents:
  • kieft
  • kiefte (ZOZ, ZWD)
  • kievit (MD, ZWN)
  • kiewiet (ZOV, ZWD)
• Grunnegs:
  • kieft
  • kieviet
  • kiewiet
• Stellingwarfs:
  • kieft(e)
  • kiewiet
  • kiewietshaene (mannelike kiefte)
  • henne, hinne (vrouwelike kiefte)
• Sallaands: kiefte
• Tweants: kiefte
  • oetdrukking: 'hee löp at ne kiefte' (hee löp vlot en stewig)
• Veluws:
  • kieft(e)
  • kieviet(e)
  • kiewiet (Nunspeet, Uddel, Bunsjoten, Vaossen)

Uutgaonde verwiezingen

Commons: Kiefte - plaatjes, filmkes en/of gelüüdsbestanden.

• t Geluud van de kiefte (wav-bestaand)
• SoortenBank.nl - beschrieving, aofbeeldingen en geluud

Dit artikel is eskreaven in et westveluwske dialekt van Nunspeet, in de Algemene Nedersaksiese Schriefwieze.