Leinte

Uut Wikipedie, de vrye encyklopedy
Naar navigatie springen Jump to search
Des leyntese wey
Leynte in de Vranse Jura
Leinte eskilderd döör Giuseppe Arcimboldo

Leynte ov vöörjår is een van de vyr seysundn. Et sterrekündig bepålde begin van de leynte is de leynte-ekwinoks (ruund 20 meert op et noordelijk halvruund en ruund 23 september op et südelik halvruund). De sün gåt dan döör et leyntepünt en de dag en de nacht binnen termet lyk alleens in lenkte. De leynte eyndigt mit de sumersünnewende (ruund 21 jüny op et noordelijk halvruund en 21 desember op et südelik halvruund).

Üm praktiske redens, mar uuk üm redens dy mit et klimåt van duun hebben, begint de meteorologiske leynte eerder, op 1 meert op et noordelik halvruund en op 1 september op et südelik halvruund. Et düürt dan tot 1 jüny en op et südelik halvruund tot 1 desember.

Des Leyntes gån de planten (weer) grööyen en blööyen. Nå Ysheyligen is de kanse op vorst vry kleyn.

Rillegyöse veesten en gedenkdagen in de leynte[bewark | bronkode bewarken]

De rooms-kattelyke tredysy het de vastenperyode, dy begünt op aswuunsdag en endigt mit Påsen. Vasten wort vöörov-egån döör de vastenåvend. Nåst Påsen hebben se in de kristelike tredysy uuk de Guye Week; dry dagen vöör et påsweekende, Witte Donderdag, Gude Vrydag en Stille Såterdag.

In et hinduisme wort so ruund Påsen de Holi-Phagwa evyrd.

De sekelyre versy van Påsen wort ekenmaarkt döör simbolen van ny leven, soas (eklöörde/evarvde) eyers. Uuk de påshås höört by dit veest.

Begin van de sterrekündige leynte[bewark | bronkode bewarken]

Begin van de sterrekündige leynte (op et noordelik halvruund) in de kommende jåren:

Jår Dåtüm Tyd
2003 21 meert 02:00
2004 20 meert 07:49
2005 20 meert 13:33
2006 20 meert 19:26
2007 21 meert 01:07
2008 20 meert 06:48
2009 20 meert 12:44
2010 20 meert 18:32
2011 21 meert 00:21
2012 20 meert 06:14
2013 20 meert 11:02
2014 20 meert 17:57
2015 20 meert 23:45
2016 20 meert 05:30
2017 20 meert 11:28
2018 20 meert 17:15
2019 20 meert 22:58
2020 20 meert 04:49

De an-egöven tyd is de plåtselijke Nederlanse tyd.

Op et südelik halvruund beginnen op disse dåtüms de harvst.

Nedersaksisk[bewark | bronkode bewarken]


Wikimedia Commons Commons: Leinte - plaetjes, filmkes en/of geluudsbestaanden.
Nuvola apps ksig.png Dit artikel is eschreven in t West-Veluwse dialekt van Putten.