Keltisk krüüs

Uut Wikipedia, de vrye encyklopedy
Naar navigatie springen Naar zoeken springen

Et keltisk krüüs is een belangryk symbool in et keltisk christendom. Et is et latynske krüüs, so as de katoliken gebrüket, mar samen evoged med et olde heidenske sünnekrüüs.

unstån[bewark | bronkode bewarken]

In de 4. en 5. eywe bint preadikers drok gangs ewesd med et töt et christendom krygen van de kelten in Yrland en Grout-Brittanny. Sint-Patrick, Sint-Declan en Sint-Columba bint hyr de groutste anstichters. Mar sy döden et anders as wat der by de germaanske nåbüren van ear geböärden. Et gelöyv wördden neet med et swäärd ebrached, mar döär et händig an et christendom in de bestånde kulture en denkwysen te låten glyden. Olde gebrüken wördden händig ümmeförmed med een christelike betekkenisse. Sülvs de druiden wördden neet direkts verbannen, mar kreygen een nye rolle in et christelike geböären; vöäle van ear gebrüken en üüterlik kwamen by de monniken terechte. Hyrdöär wördden et keltisk christendom ouk een årdig andere förme van christendom as dat van ümliggende karken. So ouk wördden et olde heilige symbool, et sünnekrüüs, den vöär de sünne en et eywige leaven stünd. Dissen kreygen een kleine anpassing: de underste pout wördden ystys langer as de rest. So kreyg et de förme van et latynske krüüs. de betekkenisse bleyvden etsülvde. Want Christus is jå ouk de sünne en et eywige leaven? So seaden de preadikers.

In Skandinavy en de oaverige germaanske volker in et westen van Europa dee noch neet bekeyred waren, van dee tyd hadden ouk et sünnekrüüs as een belangryk symbool. Et stünd eaven eyns vöär de sünne en et eywige leaven, mar de god Donar wördden der ouk samen med of ebealded up olde grotteykenings. By ear güngen de karstening wat rucher. Düs dit krüüs is in dee landen neet oaver eleavered.

Nuvola apps ksig.png Dit artikel is eskreaven in et sallandsk.