Tulbaghia

Kaapske knovlouk

Tulbaghia simmleri

Tulbaghia (beater bekend as kaapske knovlouk of wilde knovlouk) is een geslacht van eynsådlobbige krüüdachtige oaverblyvende bolgewassen dee van oorsprung in Afrika vöärkummen en dee tot de tydlousachtigen (Amaryllidaceae) behöyren. Tulbaghia wördt eklassificeerd as undersoort van de loukfamily, en is vernöömd når Ryk Tulbagh (1699–1771), een vroggere guvernöör van de Kaap de Gode Houp.

De meyste soorten binnen inheymsk in de Oustkaap van Süüdafrika. Lykas by andere soorten üüt de loukfamily, göären de bladen van de planten üüt dit geslacht når knovlouk as se eknöäsd wörden, vandår de name. De blomen wörden edröägen in een skarm. Elke blome hevt ses smalle bloomdekbladen. Kenmarkend vöär et geslacht is dat der een soort "kroune" in et midden van de blome sit. Dit kan klein en up skåle weasen of et kan wat grouter weasen, ungeväär so as de trompette van een kleine tydlouse.

Soorten

Tulbaghia acutiloba Harv. – Botswana, Lesotho, Swaziland, Süüdafrika Tulbaghia aequinoctialis Welw. ex Baker – Angola Tulbaghia alliacea L.f., syn. Tulbaghia affinis – Botswana, Zimbabwe, Zambie, Süüdafrika Tulbaghia calcarea Engl. & Krause – Namibia Tulbaghia cameronii Baker – Kamerun, Kongo-Kinshasa, Tanzania, Malawi, Mozambik, Zambie, Zimbabwe, Namibie Tulbaghia capensis L. – Kaapprovincys (Süüdafrika) Tulbaghia cernua Fisch. – Botswana, Lesotho, Süüdafrika Tulbaghia coddii Vosa & R.B.Burb. – Mpumalanga (Süüdafrika) Tulbaghia cominsii Vosa – Kaapprovincys (Süüdafrika) Tulbaghia dregeana Kunth – Kaapprovincys (Süüdafrika) Tulbaghia friesii Suess. – Nyanga-gebargde Mozambik + Zimbabwe Tulbaghia galpinii Schltr. – Kaapprovincys (Süüdafrika) Tulbaghia leucantha Baker – Botswana, Lesotho, Swaziland, Süüdafrika, Zambie, Zimbabwe, Namibie

Tulbaghia ludwigiana Harv. – Swaziland, Süüdafrika Tulbaghia luebbertiana Engl. & Krause – Namibie Tulbaghia macrocarpa Vosa – Zimbabwe Tulbaghia montana Vosa – Kaapprovincys (Süüdafrika) Tulbaghia natalensis Baker – Kaapprovincys, KwaZulu-Natal (Süüdafrika) Tulbaghia nutans Vosa – Mpumalanga (Süüdafrika) Tulbaghia pretoriensis Vosa & Condy – Gauteng (Süüdafrika) Tulbaghia rhodesica R.E.Fr. – Tanzania, Zambie Tulbaghia simmleri Beauverd – Noordkaap (Süüdafrika) Tulbaghia tenuior K.Krause & Dinter – Kaapprovincys (Süüdafrika), Namibie Tulbaghia transvaalensis Vosa – Limpopo, KwaZulu-Natal (Süüdafrika) Tulbaghia verdoornia Vosa & R.B.Burb. – Kaapprovincys (Süüdafrika) Tulbaghia violacea Harv. – kaapske knovlouk – Kaapprovincys, KwaZulu-Natal (Süüdafrika); enaturaliseerd in Tanzania + Mexico

Party soorten kreagen vrogger de name Tulbaghia, mär binnen teagenswoordig inedeyld by et geslacht van de afrikaanske lelys (Agapanthus).

• Tulbaghia africana – Agapanthus africanus
• Tulbaghia heisteri – Agapanthus africanus
• Tulbaghia minor – Agapanthus africanus
• Tulbaghia praecox – Agapanthus praecox

Dit artikel is eskreaven in et westveluwske dialekt van Nunspeet, in de Nysassiske Skryvwyse.