Kaap St Francis

Uutzicht op t darp van Kaap St Francis

t Straand van Kaap St Francis

Kaap St Francis (Afrikaans: Kaap St Francis, Engels: Cape St Francis) is n darp in Zuud-Afrika, elegen op n laandtonge in de Oost-Kaap. t Is oek gelieke t meest zujelike punt van de Oost-Kaap. Kaap St Francis ligt 19 kilometer ten zujen van Humansdorp. t Darp is in 1965 op-ericht.

t Steet bekend um zien schone straanden en as n goeie surfplekke. In Kaap St Francis he'j oek t Penguin Rescue and Rehabilitation Center en de Seal Point-vuurtoorne.Bie t Irma Booysen Floral Reserve is der n grote verscheienheid an bloeme- en plaantesoorten.

t Naoburige darp, St Francisbaai, was de lokasie van de surf- en reisdokumentaere, The Endless Summer.

Kaap St Francis steet noen wereldwied bekend as een van de beste surfplekken. Vanwegen de goeie ligging van t straand he'j t hele jaor deur kans op goeie golven, die ontstaon uut de zeedeining van grote legedrokgebiejen die zich ontwikkelen tussen Antarktika en t zujelike punt van Afrika. As der n grote zuudwestelike zeedeining op de kustliende van dit gebied aofkömp en der n aoflaandige wiend op kömp zetten, dan he'j de beste golven.

Foto-uutstallige

• 
  Rotsachtig straand bie Kaap St Francis
• 
  Straand mit de vuurtoorne op de achtergrond
• 
  De vuurtoorne bie Kaap St Francis
• 
  Kaap St Francis ezien vanaof de Seal Point-vuurtoorne

Uutgaonde verwiezingen

• Kaap St Francis
• St Francis Bay Tourist Information

Dit artikel is eskreaven in et westveluwske dialekt van Nunspeet, in de Algemene Nedersaksiese Schriefwieze.