Indisken Oceaan

Uut Wikipedia, de vrye encyklopedy
Nå navigaty springen Nå söken springen
Kaarte van den Indisken Oceaan

Den Indisken Oceaan is ne watermassa tüsken de wearlddeylen Afrika, Asie en Australie. In et süden geyt he oaver in den Südeliken Oceaan. De name hevt he te danken an et indiske skeereiland, wat der sowat in syn geheyl döär ümslöäten wördt. Med ne uppervlakte van 73.556.000 km² is et den up twey nå gröätsten oceaan van de wearld en neamt he 20% van et totale wateruppervlak in.

In döärsneyde is den Indisken Oceaan 3963 meter depe. Up syn deepst is he 7725 meter.

Landskap[bewark | bronkode bewarken]

Et indiske skeereiland split et noordelike deyl van den Indisken Oceaan in twey seas: den Gulf van Bengalen in et ousten en de Arabiske Sea in et westen. Den Gulf van Bengalen löpt töt an de Andamanen en Nikobaren, wårnå de Andamanske Sea begint. Den ligt langs de küste van Süüdoust-Asie. Tüsken et vasteland van Afrika en et eiland Madagaskar ligt de Stråt van Mozambik. De oapen baaie up et süden van Australie nöömt se den Grouten Australisken Dray.

Seas en seastråten in den Indisken Oceaan sint:

In 2000 legden de Internationale Hydrografiske Organisaty de noordgrense van den Südeliken Oceaan vaste up 60 gråd süderbreydte. Tegelyke is dat de hüdige südergrense van den Indisken Oceaan.

Eiland(grup)en[bewark | bronkode bewarken]

Vöärnaamste havens[bewark | bronkode bewarken]

Afrika
Oceanie
Asie

Planten en deers[bewark | bronkode bewarken]

Den Indisken Oceaan is når verholding wårm. Plankton kan dårdöär håste nargens good gedyen, wat ne vöärname bowsteyn is vöär ekosystemen in oceanen. In vergelyk med andere oceanen hevt den Indisken dårdöär minder verskeidenheid in natuur.

In den Indisken Oceaan visket under meyr viskerslüde uut Rusland, Japan, Taiwan en Süüdkorea up garnalen en tonyn. Versmeyring döär dryvplastik en öäly en oaverbevisking sint ne bedreiging vöär under meyr dujongs, seahünde, walvisken en skildpädde.

Versmeyring[bewark | bronkode bewarken]

Döär de Indiske Oceaan-gyre, nen grouten draykolk tüsken Afrika en Australie, höypet sik nen grouten barg dryvend plastik afval up, wat bekend steyt as de plastik suup.