Honduras
| República de Honduras | ||
 |
 | |
 Kaarte van Honduras
| ||
| Informasie | ||
| Sproaken | Spaansk | |
| Heufdstad | Tegucigalpa | |
| Regeringsvörm | Republik | |
| Laand en inwonners | ||
| Oppervlakte | 112.492 km² | |
| Inwonners - Dichtheid |
9.571.352 85 inw./km² | |
| Koordinaten | 15° 0′ N, 86° 30′ W
| |
| Oaverig | ||
| Volksleed | Himno Nacional de Honduras | |
| Munteenheid | Lempira (HNL)
| |
| Tiedzone | UTC−6 (CST) | |
| Web | Kode | Tel. | .hn | HN | +504 | |
Honduras, officiääl de Republik Honduras, is en land in Midden-Amerika. Et hevt grensen med Guatemala in et westen, El Salvador in et süüdwesten un Nicaragua in et süüdousten. Up et süden ligt et an den Stillen Oceaan, den Gulv van Fonseca un up et noorden an den Gulv van Honduras, nen grouten inham van de Karibiske Sey. De höyvdstad is Tegucigalpa, wat ouk direkt de grötste stad is.
Vöär at de spaansken et in de 16. eywe koloniseerden, höyrden Honduras by verskeidene groute mesoamerikaanske kulturen by an. Vöäral de maya's sint dårvan bekend. De spanjaarden voorden et röymske gelöyv in un de spaanske språke. Ouk verskillende gebruken sint händigan med de inheymske kultuur versmöälten. Honduras wör en vry land in 1821 un is seyd den tyd ne republik. Al seed de unafhangelikheid steyt et land der wankel by wat politik angeyt. Et is eyne van de armste landen up et westelik halvrund. In 1960 kreag Honduras et noordelike deyl van de Muskitenküste der by van Nikaragua, nå en besluut van et Internationale Rechtshov.
Et land drait vöäral up landbouw. Dårmed is et slim gevölig vöär natuurrampen, sou as Orkaan Mitch van 1998. De sociale laegere klassen warket up den buur, de lüde med centen woanet in de städen. Up de untwikkelingsindeks skoort Honduras nen 0.625, wat to book steyt as "middelmåtig untwikkeld". In 2016 verdeenden 66% van de lüde under de armoodsgrense. Et land is voortan gangs de reagenwolden wat se hebbet to kappen. Verskeidene rivyren un mearen sint versmeyrd döär afval vanuut de mynbouw.
De meyste lüde wat der woanet sint mestisen. Mär der sint ouk heyl wat inheymsken, swarten un blanken. Et land had et politik eseen årdig up de rit, mär in 2009 was der nen ståtsgreyp un in 2017 vöäle to doon oaver knoien med de cyfers by de presidentsverkesingen. Et land hevt slim to maken med HIV/AIDS.
Honduras is ungeväär 112.492 kilometer in et veerkant, wår as meyr as 10 miljoon lüde woanet. De noordelike deylen höyret by et karibiske gebeed by an, wat ouk an de lüde un kultuur to seen is. Et land hevt heyl wat grundstoffen, sou as mineralen, koffee, tropiske vrüchten un sukerreed. Ouk wördt der voordan meyr uut de weavindustry haald.
Naam
[bewark | bronkode bewarken]Letterlik uut et spaansk bedüdt Honduras 'deepdes'. Et kan good weasen at dat slöt up den Baai van Trujillo. Ouk kan et uut et leoneeske dialekt van Spanje kummen un ne verbastering weasen van fondura. Weader anderen meynet, et solde uut ne uutspråke van Kolumbus stammen, den sea: "Gracias a Dios que hemos salido de esas honduras" ("Goddank dat wy uut dee deepdes ekümmen sint.").
Pas vanaf et ende van de 16. eywe wör med Honduras et heyle gebeed bedoold. Vöär 1580 was et enkel et oustelike deyl wat sou heyteden. Et westen nöömden de spanjaarden Higueras. Noch ne öldere name is Guaymuras.
Et woord vöär eyne uut Honduras is nen Honduraan, mär mangs gebruket de lüde selv et spaanske catracho of den vröwweliken förm catracha.