Oolde Testement

Uut Wikipedia, de vrye encyklopedy

Et Oolde Testement (Vetus Testamentum in et Latien), subtiel verschillend van Hebreeuwse Biebel, is et eerste gedielte van de Biebel dat dateert van veur et begin van de kristelike jaortelling. Et is baseerd op 'e Tenach die in et Hebreeuws schreven is, mit uutzundering van een peer passages die in et Aramees schreven binnen.

Inhoold en kanon[bewark | bronkode bewarken]

Et Oolde Testement bevat boeken van verschillende inhoold. D'r bin historische boeken die de overleverde geschiedenis van et joodse volk beschrieven, boeken mit uutspraoken van profeten, wetboeken en boeken mit vassies en spreuken.

Binnen de kristelijke karken is de tegerestelling van et Oolde Testement niet overal geliek. Inkelde Biebelboeken en dielen van boeken bin wel diel van de rooms-kattelieke en de oosters-orthodoxe kanon mar niet van de protestaanse kanon. Disse bin bekend as apocriefe of deutero-kanonieke boeken. De kattelieke Biebel telt 46 boeken, de protestaanse 39. De protestaanse inhoold van et Oolde Testement is geliek an die van de Tenach mar de indieling verschilt. De rooms-kattelieke kanon sluut een peer boeken uut die de meeste Oosters-Orthodoxe Karken wel as diel van de kanon beschouwen.