Gebruker:Roerdinkholder/Agnostisisme

Uut Wikipedia, de vrye encyklopedy
Thomas Henry Huxley bedacht et begrip agnostisisme uutendelik.

Agnostisisme (elatiniseerde vörm van et gryksken ἀγνωστικισμός, a-gnōstikismós van oldgryksk ἀγνῶσις, a-gnō̂sis sünder weaten, sünder kennis) is et filosofiske standpunt, dat annamen – in et bysünder teologiske, dy et bestån ov neet bestån van ne hougere instantsy, byvöärbeald van nen god, betrevt – ünverklårt ov neet verklårbar bünt.[1] Anhangers van et agnostisisme wördt agnostici enöömd.

Agnostisisme is ne werldvisy, dee in et besünder de principiele begrensdheyd van et mensliken weaten, verstån en begrip benådrükt. De möägelikheyd van et bestån van nen transcendent wean ov ne transcedente grundslag wördt neet bestreaden. Agnostisisme is so wal med teisme as ok med ateisme vereynigbår, ümdat der gelööv in god möägelik is, sölvs woneyr men de möägelikheyd van de seakerheyd  van syn bestån teagenspreakt. Net so is de upvatting, wårin ateistiske vöärstellen wårskynliker bünt as teistiske, med et agnostisisme vereynigbår. De vråge „Geavt et nen god?“ beantwöärden agnostici dårüm neet med „ja“ ov „nee“, mår med „Ik weat et neet“, „Et is neet düdelik“ ov „Et is neet beantwöärdbår“.

Geskydenis[bewark | bronkode bewarken]

Et begrip agnostisisme wyr in disse vörm döär Thomas Henry Huxley (1825–1895) bedacht. Skonwal et geyt üm ne noch jungen uutdrükking, is de dårachter skülende upvatting düdelik older en wördt onder andere in Rigveda, by Laozi (sjineske filosoof in den 6en eeuw v. Chr.) as ok by sofisten en aenige andere grykske vorsokråten.

Al in den 5en eeuw v. Chr. verklåren Protagoras, aen van de vorsokratisken sofistiske filosofen van de grykske oldheyd, synen agnostisken standpunt med de wöärden:

Nen – minder erinnerden – agnostisken grundslag skynt in den vroggen romeinsken keysertyd (parallel med et begin van et vrogge christendom) in dealen van et volk verbreid ewest too wean; so leyt de skryver Petronius in synen satirisken roman Satyricon (in de scene van et gastmål van Trimalchio) den protagonist Ganymedes disse wöärden in den mond:

In den 18en en 19en eeuw leggen de filosofen David Hume, Immanuel Kant en Søren Kierkegaard kritiske teagenpositsys van de verskydene godsbewysen an den dag, wårin sy öäre twyvel gaven ov et nen definitiv, ünumstoatelik bewys vöär ov teagen et bestån van god geaven kön. De amerikånske redenår Robert G. Ingersoll wörd up grund van syne waleformulaerde tekste åver dit tema ok as „the Great Agnostic“, „de groute agnosticus“, anedüüd.

In den 20en eeuw gealdt Bertrand Russells religykritiske proovskrivt Wårum ik gin christen bün (1927) as nen klassisk dokument van et agnostisisme. Nen låter skrivt van densölven auteur heat Am I an Atheist or an Agnostic? („Bün ik ateist ov agnosticus?“).

Varianten van et agnostisisme[bewark | bronkode bewarken]

Agnostisk ateisme
Agnostiske ateisten bünt ateistisk, ümdat sy neet gelööven in aen ov meerdere goden en agnostisk, ümdat sy neet beweren too weaten dat der gin god besteyt.[2]
Agnostisk teisme
Agnostiske teisten bewearen neet too weaten van et bestån van nen god; dan noch gelöövt sy in eynen (ov meerdere).[3]
Apateisme (ok „apatisk“ ov „pragmatisk agnostisisme“)
De meaning dat de vråge når et bestån ov neet bestån van god üninteressant en beteakenisloos wart. Sölvs as eyn ov meerdere goden bestån, hev öär bestån feytelik gin groute beteakenis vöär et leaven van de mensheyd. Et apateisme baseert sich up meaningen van den gryksken filosoof Epikuros.
Ignostisisme
De meaning dat de vråge når et bestån ov neet bestån van „god“ beteakenisloos is, so lang as et ginne kohärente definitsy van et begrip „god“ gev. Nen ignosticus segt: „Ik weat neet wat y med et woord ‚god‘ bedoolt en kan dårüm ginne uutspråke oaver dit bestån ov neet bestån doon.“ De benåming ignostisisme wyr döär rabbi Sherwin Wine (1928–2007) bedacht, den oprichter van et geselskap vöär humanistisk jöädendom. Vöärloper bünt skonwal al in de låte oldheyd too vinden.
Stark agnostisisme (ok „hard“, „esloaten“, „streng“ ov „permanent agnostisisme“)

De meaning dat et bestån ov neet bestån van goden in de båsis ünherkennbår is, vöär alle mensen en vöär alle tyden.

Swak agnostisisme (ok „week“, „oapen“, „empirisk“ ov „temporeel agnostisisme“)
De meaning dat et bestån ov neet bestån van goden vöär de oapenbårders sölv en töt et moment van de oapenbåring ünbekennt wart.

Agnostisisme en teisme[bewark | bronkode bewarken]

In principe bünt agnostisisme en teisme medeynander vereynigbår, want men kan in nen god gelööven, ok sünder syn bestån as verseakerd too sen (epistemiske logika, byv. gelööven as „as wårskynlik beskowen“).

Skonwal in de praktyk ståt vülle agnostici kritisk teagenoaver et gelööv in (konkrete) goden. De godsbewysen van et teisme (byv. in et jöädendom, et christendom ov de islam), et oapenbåringsweaten en de in religys oavereleaverde wunderen en wydere argumenten vöär et bestån van hougere weasens holdt når et oardeyl van agnostici by weatenskaplike beskowing gin stand. Ne godsteory, dee neet weaderelegt wörden kan, gealt in de ougen van vülle agnostici vanweagen et fålen van de falsifiseerbårheyd as ünweatenskaplik, so as in de analogy van „Russells teekan“ verdüdelikt wördt. Disse segt nåmelik nyts öäver öäre wårheyd. Sy mütt dårüm vulgens den as Ockhams skaermesse bekennde denkreagel vermeden wörden, dår sy nen ünnöydig ekompliseerde verklåringspoging wart. Vülle agnostici wyset in et besünder antropomorfe godsvöärstellingen av, ümdat öär disse too stark an de menslike kultuur en vöärstellingswerld gebunden skynet.

Eyn vörm van teisme, dee döär vülle richtingen van et agnostisme aksepteert wördt, is et panteisme, dat de werld, de natuur en et universum as 'göddelik' anwyst, sünder dår wyder nen god vöär an too wysen. Vülle filosofen, byvöärbeald Schopenhauer, sagen et panteisme skonwal as deagelik ateisme.

Agnostisisme en ateisme[bewark | bronkode bewarken]

Sums wördt et agnostisisme valselik med ateisme gelykesteld. Et geyt skonwal üm twey verskillende teoryen. By et agnostisisme geyt et üm de principiele (ün-)möäglikheyd van de bykommende beslistheyd med betrekking töt bepålde vrågestellingen (byv. dy når et bestån van god), by et ateisme dårinteagen üm de öävertüging dat kontroleerbåre bewysen vöär et bestån van god töt now too neet når vöären ebröcht bünt ov dat god neet besteyt. Wyders is et agnostisisme vöäral ne filosofiske positsy, terwyl et ateisme sich vöäral as teagenpool van et teisme set.

Under de neetteistiske agnostici vindt men twey söärten upstellingen når et ateisme:

  • De avwysing so wal van et (starke) ateisme as ok van et teisme. Vanweagen de begrensdheyd van et mensliken weaten oaver et universum en de begrensdheyd van unse vöärbealdingskracht wart et net so irrationeel nen „ünkritisk gelööv in et neet bestån“ as nen konkreet ov neet konkreet gelööv in et bestån van nen god an too nemmen. Döär anhangers van disse positsy wördt benådrükt dat et in feite ünnöydig wart, sich – ovwal döär middel van ne inskatting van wårskynlikheyden ovwal up grund van nen filosofisk werldbeald – an ne „gelöövspositsy“ in disse vråge too binden.
  • De vervlöchting van agnostisisme en (swak) ateisme. Sy wördt, nårgelang de sichtswyse, as agnostisk ateisme ov as ateistisk agnostisisme anedüüd – oaver de völgorde van de konsepten besteyt üneynigheyd. By disse positsy wördt et standpunt anehangd dat et bestån van nen god inderdåd ünbekennd is, skonwal up grund van Ockhams skaermesse et neet bestån plausibeler wart.[4]

Verwyterd begrip[bewark | bronkode bewarken]

Et wöärd agnostisisme kümt in nen verwyterden beteakenis behalve in teologiske ok algemeyn in metafysiske ov kennisteoretiske konteksten an bod, byvöärbeald med betrekking töt de vråge ov et nen leaven nå den dood ov ne reinkarnåtsy geavt. Ok hyr kan ne agnostiske positsy inenömmen wörden, dee de ünbeslistheyd erkennt ov benådrükt.

Sums wördt et begrip agnostisisme as synonym vöär skeptisisme gebrüket, üm kennisteoretiske lear an too düden, dee de kennbårheyd van de geheyle werld ov up weasenlike terreinen betwyvelt.

Krityk[bewark | bronkode bewarken]

Van teistiske kant uvent de natürlike teology principiele krityk uut up agnostisisme. Disse beweart dat men sünder terüggreape up göddelike oapenbåringen enkel döär middel van et mensliken verstand bewysen kan dat god besteyt. Thomas van Aquino wydden an et agnostisisme (sünder dat wöärd too gebrüken) in syne summa contra gentiles et 12en höydstük van et 1en book. Dårin kümt hy töt de konklusy dat men inderdåd neet bewysen kan, wat god wart, skonwal seyr wal, dat god besteyt. Dit standpunt wyr låter döär vülle filosofen – wårunder Kant – verwörven, dår et bestån van god (vgl. godsbewys) sich noch verificeren noch falsificeren löät. Vöär Joseph Ratzinger is et agnostisisme wal ne teoretiske, skonwal ginne praktiske optsy: „As pure teory lykt et höygst verlichtend, mår agnostisisme is in wean meer as teory“. Sy knapt as ne seypbälle, woneyr men öär in öäre wåre reikwyde probeert too „praktiseren“. Vöär de kwesty oaver god wart „vöär nen mens gin neutraliteyt möägelik“ en hy kan enkel „ja ov nee seggen en eyn van disse med alle konsekwentsys töt in de kleinste dingen van et leaven annemmen.“[5]

Ok van de syde van et ateisme wördt et agnostisisme bekritiseerd. So meant den britsken bioloog Richard Dawkins in syn book De godswån dat „nen seaker agnostisisme [skonwal de] gepaste holding in vülle weatenskaplike kwestys“ wart, mår by god wart dit neet et geval, ümdat et bestån ov neet bestån van god neet evven wårskynlike optsys wart.[6] Hy düüdt sichsölv an as „de facto ateistisk“: Hy vindt et bestån van nen god seyr ünwårskynlik en leidt syn leaven med de anname dat der gin besteyt[7] – ne handelswyse, dee hy den mens in et algemeyn tooskrivt. So sollen wy in et dageliks leaven dertoo neigen, oaver dingen, wårvan wy et bestån, strikt enömmen, noit volledig uutslüten künnet, so as de tandenfee, Russells teekan ov et vlygende spaghettimonster, too spreaken, asov sy neet beståt.[8]

Literatuur[bewark | bronkode bewarken]

Weblinks[bewark | bronkode bewarken]

Referentsys[bewark | bronkode bewarken]

  1. William L. Rowe: Agnosticism.
  2. What’s the difference between an atheist and an agnostic?
  3. What’s the difference between an atheist and an agnostic?
  4. Atheism and Agnosticism.
  5. Joseph Ratzinger: Agnostizismus – eine lebbare Option?
  6. Richard Dawkins: Der Gotteswahn, 6.
  7. Richard Dawkins: Der Gotteswahn, 6.
  8. Richard Dawkins: Der Gotteswahn, 6.