Franse Nederlaanden

De Franse Nederlaanden in de regio Nord-Pas-de-Calais-Picardie:

██ Artesië

██ Frans-Henegouwen

██ Frans-Vlaonderen

██ Kameriek en t Kameriekse

██ (Pikardië)

De Franse Nederlaanden (Frans: "Pays-Bas français") is t gebied dat tegenswoordig besteet uut de Franse regio Nord-Pas-de-Calais-Picardie (Noord-Nauw-van-Kales-Pikardië) boven de rivier de Somme.

Oorsprong

In 1549 bepaolden keizer Kaorel V in de Pragmatieke Sanksie (1549) dat de Boergondiese Kreits in de toekomst ondeelbaor zol ween en bie overarving over zol gaon binnen de mannelike en vrouwelike liende van zien familie. Daormee scheidden e de Nederlaanden (de naam die hij an dit gebied gaf) aof van Frankriek en van t Duutse Riek. In de Pragmatieke Sanksie verklaorden keizer Karel V:

"Wij, Karel, bij de gratie Gods Rooms Keizer (...) laten weten aan allen die nu zijn en hierna wezen zullen, dat wij geoordeeld hebben dat het van groot belang is voor onze voornoemde landen (...) dat zij in de toekomst altijd onder eenzelfde vorst zouden blijven die ze in één geheel zou houden, wetend dat hun deling ten gevolge van succesies en erfenissen hun ondergang en ruïne zou betekenen. Afgescheurd en van elkaar gescheiden zouden zij ten prooi kunnen vallen aan buurstaten (...). Dit zal echter kunnen vermeden worden indien onze landen altijd in het bezit blijven van één vorst die ze als één geheel bestuurt. Gegeven in onze stad Brussel in de maand november van het jaar Onzes Heeren 1549."

Annexasie mit Frankriek

De Franse Nederlaanden bin in verschillende stappen deur Frankriek an-eneumen onder aandere as uutvleuisel van de Vrede van de Pyreneeën; die de aofsluting vormden van de Dartigjaorige Oorlog tussen Spanje en Frankriek. Laoter in 1677, as resultaot van de deur Stadhouwer Willem III verleuren Slag an de Pene, wördden n deel van Vlaonderen an-eneumen. t Een en aander wördden definitief vastesteld tiejens de Vrede van Nijmegen. Dat disse geschiedenisse oek noen nog lif in disse streek blik onder aandere uut t feit dat ze n paor jaor elejen in Noordpene (Frankriek) n klein museum ebouwd hebben um disse veldslag te herdenken (bezeukerssentrum 'Slag an de Pene').

Territorium

De Franse Nederlaanden bestaon uut t gebied dat vrogger bie de Nederlaanden heurden mer tegenswoordig in Frankriek lig:

• Frans-Vlaonderen of Zuud-Vlaonderen, t zujelike deel van t graafschap Vlaonderen
• Frans-Henegouwen, t westelike deel van t graafschap Henegouwen
• Kameriek en t Kameriekse
• Artesië
• Pikardië, boven de rivier de Somme

Naamgebruuk

De naam wörden dikkels gebruukt in projekten die gungen over de kulturele baand tussen Noord-Frankriek en t Nederlaandse taalgebied.

De kulturele verenigige Ons Erfdeel brengt sinds 1976 n jaorboek "De Franse Nederlanden - Les Pays-Bas Français" uut over t gebied en zien kulturele relasie mit Vlaonderen en Nederlaand. In de Kortriekse universiteit KULAK he'j de "Bibliotheek De Franse Nederlanden", mit n verzameling an literatuur en geschiedenisse van de regio, liekas n "Archief de Franse Nederlanden" mit dokumenten over regionalistiese bewegingen in Noord-Frankriek.

In Noord-Frankriek stuurden aksiegroepen petisies rond um de naam te veraanderen en Dowei weer as heufdstad an te stellen.

Uutgaonde verwiezingen

• De nieje Franse Nederlaanden

Dit artikel is eskreaven in et westveluwske dialekt van Nunspeet, in de Algemene Nedersaksiese Schriefwieze.