Döarningn
Döarningn (Nederlaands: Deurningen) is n doarp in de Tweantse gemeante Deenkellaand in de Nederlaandse proveensie Oaveriessel. Ut doarp lig ten noordoostn van Hengel. Töt de gemeantelike herindeling van 1 januari 2001 heurn t biej de gemeante Weersel. Op 1 januari 2006 har t doarp 1906 inwonners.
Döarningn lig an de Döarninger Bek, dee vanof t zuudwestn van Oldnzel noar Hertem en Zeander streumt.
Geschiedenis
[bewark | bronkode bewarken]De geschiedenis van Döarningn is nich heelmoals kloar, umdat t in oalde schrieveriejen meesttieds nich dudelik is of de leu t hebt oaver Döarningn of oaver Noord Döarningn, n doarp tusken Deankaamp en Nordhoorn, dat vandaag-an-n-dag ok biej de gemeante Deenkellaand heurt. In de Middeleeuwn heurn Döarningn biej t kerspel Oldnzel, zooas de meeste döarpe in de nöagte. In 1665 schiftn t zich van t kerspel, te hope met Rossum, Soasel en De Lut. Töt 1760 heurn Döarningn dan biej de parochie Soasel, doarnoa wördn t ne zölfstaandige parochie. Biej de parochie Döarningn heurn ok de boerschopn Hassel en Gammelke, net as n groot deel van de kern van Döarningn.