Nothoorn

Uut Wikipedia, de vrye encyklopedy
(döärstüürd vanaf "Nothoorn (Beynthem)")
Wappen Kaorte
Waopen van Nothoorn
Baosisdaoten
Boendslaund: Nedersassen
Laundkreis: Graofschup Beynthem
Haogte: 22 m ü. Normalnull
Fläche: 149,64 km²
Inwoner: 53.084 (30 september 2005)
Bevolkingsdichte: 355 inwoner/km²
Postleittaolen: 48527–48531
(alte PLZ: 4460)
Telefoonvorwaol: 0 59 21
Kfz-Kenteken: NOH
Amtliker Gemeanteschlöttel: 03 4 56 015
Website: www.nordhorn.de
Politik
Burgermeaster: Thomas Berling (SPD)

Nothoorn (nedersassisch ok: Noordhoorn, Noordhorn of Nordhoorn, Duutsch: Nordhorn) is de kreisstad van dein laandkreis Graofschup Beynthem ien 'n zuudwesthook van Nedersassen, kot bie de Nederlaunse greinze.

Waor de naam vandan koump[bewark | bronkode bewarken]

De stad wödt ien de graofschup Nothoorn of ok Notheurntien neumd. De schriefwieze ien oerkoenden bint: Norhthornon 890 n.Chr., Northornon, Nodehorn, Northorne 1184 op zegels van 1400 bis 1827, dan Nordhorn.

't Gef ne geschichte wo dein naam Nothoorn ontstaon is un waorum det woppen van Nothoorn een hörn hef: ien 't zuden van Nothoorn lig de stad un besunners de borg ien Bad Beintem ien de graofschup Beintem. Daor hef de graofschup ok zienen naam van. Et der krieg was, un de stad Nothoorn angreppen weud, blaosde man daor een hörn, det noodhörn, um so de meinsen te waorschuwen un hölpe oet Beintem te ropen. Weil Nothoorn ien 't noorden lig, maakte man daor misschien 'Nordhorn' van.

Man 'n hörn broekten ok de schipper up de Vechte. Bie nevel kunen se sik met hörne tegenzietig kenbaar maken.

Eene wetenschuppelijke variante van de wappendeutung zeg, det det word hörn et 'hook' of 'laandmarke' te verstaon is. Een noordhoorn was dan up te vatten äs 'nen hook ien 't noorden (stuk bouwgroond de 't Vechtedaal ien stekt).[1]

Of de Beintemer de stad eren namen geven hebt, is wa' antetwiffeln. Besunners weil man Nothoorn van Beintem nich es maol zeen kan. Tuschen Beintem un Nothoorn lig dein Isterberg. Ok was de ien dé tied nog heel wat meer woud. Det Beintemsche Woud un dät Teutoborger Woud bis nao 'n Hartz was doemaols een deurgaond woud.

Ma de overlevering vertelt wa' van 't

'Vorhandensein eines Wachtturmes im Vechtetal, von dem aus die Bewohner in Kriegszeiten durch Feuer oder durch das Horn des Wächters vor den herannahenden Feinden gewarnt wurden. Diese Erklärung geht auf eine Urkunde aus dem Jahre 1341 zurück, in der der Name wirklich NODEHORNE (Nothorn) geschrieben wird, und die Stadt noch heutigen Tages ein Horn in ihrem Wappen führt.
Der Name hat natürlich nichts mit einem Nothorn oder gar mit einem Gotte Nod zu tun. In dem Werdener Heberigister steht 890 Norhthornon und 1050 Northornon, in der Urkunde von 1184 Northorne. Auf den Stadtsiegeln erscheint zwischen 1400 und 1715 auch Northorne und erst von 1827 an Nordhorn.' [1]

Historie[bewark | bronkode bewarken]

De stee waor vandäge Nothoorn lig, is seind de iestied bewoond. Det bewiest archeologische voende ien Frensdörp, Bookhout, Oudendörp, Hesepe en Baokelde.

Seind 12 v. Chr. bis 10 n. Chr. oennernömmen de reumischen feidheren Drusus, Tiberius, Germanicus en Varus ien 't geheel 13 feidtöchte nao Binnengermanien (Germania Magna), det gebied waor doe nog vrije Germanen leefden. Vanoet det kastel bie Xanten weuden disse töchte oennerneumen. Man meent, det de Reumer misschien langs de Vechte un over zaundpäde deur 't ven gaon bint. Disse pätties weuden läter wichtige handelsrouten, de oenner anner Brussel, Amsterdam, Bremen un Hamborg vebunnen.

Tegen einde van de 4e jaorhoennerd, doe de völkerwanderung begun, kwammen de Saksen äid meer ien 't westen. Ze vedreven de Tubanten wieter ien 't westen nao Twente. Naodet Karl dein Groten det gebiet van de Saksen veoverd had, kwaump de eerste greinze tuschen de stämme van de Franken en de Saksen, de ien de greinze tusschen Nederlaund un Duutschlaund overleefd hef.

't Eerste maol neumd weud Nothoorn 900, waor man 't ien een register van det klooster Werden an de Ruhr tegen koump as Northhornon.

Um 1180 koump Nothoorn oenner de regering van de graven van Beintem. Ze bouwden doe 'ne borg op eene insel ien de Vechte, waor ok det dörpien Nothoorn lag. Bis 1912 wanen hiervan nog reste over. Läter weuden dé an de kaunte maakt um stee veur de St. Augustinuskerke te maken.

Negen däge nao Pfingsten ien 't jaor 1379 gaf graaf Bernhard I. van Beintem Nothoorn stadrechte. Det dörpien an de Vechte was veur de graven nen wichtig handelsplats weuden. Met 't eukonomische welstaund kaump ok det culturelle leven ien disse jaoren up heugte. De Augustiner stiftet 1394 det klooster Marienwolde ien Frenswegen.

Bevölkerung[bewark | bronkode bewarken]

Ien Nothoorn leeft 53.093 meinsen (up 'n 31sten detsember 2005) up een areal van 149,64 km², de bevölkerungsdichte van de stad is dan 355 inwoner up een km².

28,14% van de Notheurnschen bint evangelisch reformierte christen, 21,05% lutherschen, 29,19% roomsch-katholiek un 21,64 prozent mitglieder van kinne of van eene anner religionsgemeinschaft.

Einwohnerentwicklung[bewark | bronkode bewarken]

(Äid to 'n 31sten detsember)

jaor inwoner
1815 980
1851 1.356
1864 1.500
1895 2.041
1900 3.000
1929 18.000
1933 20.000
1961 39.449
1980 48.500
1990 49.000
jaor inwoner
1996 49.000
1997 51.500
1998 51.809
2000 51.855
2001 51.974
2002 52.479
2003 52.479
2004 53.105
2005 53.093

Politiek[bewark | bronkode bewarken]

Stadraad[bewark | bronkode bewarken]

Na de kommunalwahl van 'n 9. september 2001 vedeelt sik de 43 sitze ien 'n raad van de stad Nothoorn as volgt:

Dor bie koemt de börgermeester, de ok stimrecht ien 'n stadraad het.

Städtepartnerschaften

Rifferenties[bewark | bronkode bewarken]

  1. 1,0 1,1 Heinrich Specht (1979), Nordhorn, Geschichte einer Grenzstadt, Das Bentheimer Land, Band 22, Nothoorn: Heimatverein der Grafschaft Bentheim e.V.
Dissen artikel is ien Graofschupper Platt schreven en ien de Drèentse spelling zet.