Chili

	República de Chile
Vlagge van Chili	Wåpen van Chili
	; Ligging van Chili
	Basisgegeavens
Officiele språke	Spaans
Höyvdstad	Santiago
Regeringsform	rippubliek
Godsdeenst	rooms-katteliek 89%, protestants 11%
	Geografy en bevolking
Uppervlakde; - Water	756.950 km² ; 1%
Inwoanertal; - Dichtheid	17,5 miljoen (2015); 20 inw./km²
Koordinaten	39° 0′ S, 72° 0′ W
	Oaverige
Volksleed	Himno Nacional
Münteynheid	Chileense peso (CLP)
Tydzone	−4
Nationale feystdag	18 september
Web \| Kode \| Tel.	.cl \| CHL \| 56

Chili (Spaans: Chile) is n land in Zuud-Amerika, en ligt an de grens met Peru, Bolivia en Argentinië. Chili ligt in-eklemd tussen de Grote Oseaan en t Andesgebärgte. De eufdstad is Santiago, t parlement ef zien zetel in Valparaíso.

t Juan Fernández-archipel, Desventuradaseilanden en Paoseiland, dät ärg wied in t westen van t vasteland ligt, euren ok bi'j Chili. t Land määkt naor eigen zeggen ok anspraok op n stuk van Antarktika (dät tegeliekertied grotendeels ok deur Argentinië opeist wordt). Um disse reden stiet de obelisk die t offisiële geografiese middelpunt van Chili markeert ok in t zuden, bi'j de stad Punta Arenas, kortbi'j Vuurland.

Deur de lange-erekten vorm en zien noord-zuudligging ef Chili verskillende soorten klimaten, t land ef allien gien tropies klimaat.

De grootste exportprodukten bint keuper, wien, vruchten, vismael en sellulose.

Chili is daornaost ok nog lid van APEC en OSA.

Demografie

Bevolking

Volgens n volkstelling uut 2015 woonden der 17,5 miljoen maensen in Chili, waormet Chili t zestigste land ter wereld is wat t antal inwoners angiet. De volkstelling van 2002 laeverden n antal op van 15.116.435 inwoners.

Chilenen bint veur t grootste deel ofstammelingen van immigranten uut verskillende Europese landen, waorbi'j de naokommelingen van Spaanse immigranten overeersen.

Tälen

De offisiële tääl in Chili is t Spaans. Daornaost wordt der ok nog Duuts, Kroaties, Engels, Mapudungun en Rapa Nui espröken.

Bestuurlike indeling

Chili bestiet uut därtien regio's. Disse regio's bestaon elk uut meerdere provinsies, 51 in totaal. De provinsies bint op eur beurt weer in-edeeld in gemeenten, 346 veur iel Chili.

Geografie

In t noorden van Chili ligt de Atacama-woestijn, dit is de dreugste zoltvlakte ter wereld. In t zuden van t land bint der de grote iesvlaktes, die, op Antarktika nao, de grootste zuutwäterreserves ter wereld bint.

Staeden

De eufstad is Santiago. n Paor andere pläätsen bint:

De muuite weerd um te bekieken

Nasionaal park Rapa Nui
Kärken van Chiloé
Istoriese wiek van de ävenstad Valparaíso
Salpetergroeves Humberstone en Santa Laura
Mienstad Sewell

Uutgaonde verwiezingen

Commons: Chili - plaatjes, filmkes en/of gelüüdsbestanden.

Wikiweurdebook: Chili - weurdebook, woordherkumste, variaanten

Dit artikel is eskreaven in et oustveluwske dialekt van Attem, in de Algemene Nedersaksiese Schriefwieze.