Santiago (Chili)
Santiago, offisjeel in t Spoans Santiago de Chile, is de heufdstad van Sjili, on de grootste stad van t laand, mit ongeveer 6.158.080 inwoners in 2015. De stad strekt zuk oet over n oppervlak van 641,4 km². t Is legen in de sentroale vallei op n höchte van 520 m boven zeespaigel. Alewel Santiago de heufdstad is, zit t parlement in de stad Valparaíso net wat zudelker. De Sjileense president zit wel in Santiago. De stad ligt aan de Río Mapocho dij noar t westen stroomt en woar de oorspronkelke volken van Sjili noar vernuimd binnen.
De stad wuir sticht deur de Spoanse kolonisten in wat dou nog Inkalaand was. De stad wuir doar ploatst vanwege t biezundere klimoat as Spanje en doarom ook veul begruien in vergelieken mit de omliggende baargen. Omdat Santiago dou nog Inkalaand was, binnen der verschaaidene aanvallen wèst van de Inka-bevolken. Oetendelk konnen de Spanjolen de stad suksesvol verdedegen en de Amerikoanse volken dij doar woonden vertrokken dou noar t zuden tou. Sunt dij tied, om en bie 1600, is de stad gaauw gruid en noa de onòfhaankelkhaid in 1818 wuir t din ook kozen as heufdstad van t nije Sjili. Vanòf de joaren '60 van de 20e aiw het Santiago n grote modernisoatsie zain en in tied is t oetgruid tot n enorme metropool dij sikkom t haile gebied tusken de twij baargruggen bezet.
Links noar boeten
[bewark | bronkode bewarken] |
Commons: Santiago (Chili) - plaatjes, filmkes en/of gelüüdsbestanden. |