Brazzaville

Oet Wikipedie, de vraaie enzyklopedie
Gao naor: navigasie, zeuk
Stadszicht van Brazzaville
Brazzaville op de kaarte van Kongo-Brazzaville

Brazzaville is de heuwdstad en grötste stad van et Afrikaanse laand Kongo-Brazzaville. In 2015 wonnen der ongevear 1,7 miljoen leu. Et lig ongevear 506 kilometer laandinwearts vanof den Atlantiesen Oseaan. Brazzaville ligt in et zuden van et laand, pal op et noorden an de Kongo-rivier. Recht doar tegenoawer an de aandere kaante, op et zuden, lig Kinsjasa, de heuwdstad van Kongo-Kinsjasa.

De stad wör in 1880 stichtet duur den Italiaans-Fraansken verkenner Pierre Savorgnan de Brazza, woer as et ook noar eneumd is.

Gebouwen en instituten[bewark | bronkode bewarken]

Opmaarkenswearde gebouwen in de stad zeent oonder mear de Basiliek van Sunte Anne den as in 1949 bouwd is duur Roger Erell, de Namemba-toren en et Kongresjoneel Paleis. Aandere gezichte zeent et Marien Ngoewabi-mausoleum, den Dierentuin van Brazzaville en de Poto-Poto Skeelderskole.

Vervoor[bewark | bronkode bewarken]

Op Maya-Maya Airport, de lochthawen van Brazzaville, komt en goat verskeaidene binnen- en boetenlaandse vlochten, binnen Afrika, mer ook noar Europa en et Midden-Oosten. Doarnöast is der ne belangrieke spoerliene tusken Brazzaville en Pointe-Noir, de belangriekste hawenstad van et laand. Dissen trein jag um den dag. Duurdet de rivier de Djoewé net boeten Brazzaville oetkeump in de Kongo-rivier en doar de Livingstone-watervallen vörmet, is vervoor oawer de rivier noar Pointe-Noir neet meugelik. Der goat wal veardeenste hen en wierumme tusken Brazzaville en Kinsjasa.