Blauw paapjen (Parus caeruleus)

Oet Wikipedie, de vraaie enzyklopedie
Gao naor: navigasie, zeuk
Blauw paapjen
Cyanistes caeruleus

't Blauwe paapjen (Latien: Cyanistes caeruleus vrogger: Parus caeruleus) is 's wienters in de Lege Landen vaak in de hof te zien, veural as minsen pinda's of een are voegelvoersoort in een zakjen op-ehungen hen. Blauwe paapjes bin iezig lenig en hangen behendig an zo'n zakjen en weten zoender al te veul meuite de noet uut de schaol te pikken. Hier bin de are voegels meestentieds wat lomphendig mee.

Kenmaarken[bewark | bronkode bewarken]

't Blauwe paapjen het een opvallend verenpak mit zien kobaltblauwe kruun, start en vleugels die prachtig ofsteken tegen 't geel van zien oenderkant. Mannetjes en vrouwtjes lieken iezig op mekaar (vrouwtjes bin vaak wat matter ekleurd). As ie nog jong is, dan is op de kop wat greunachtig in plaots van blauw en op de wang wat gelerig. Ze bin mit d'r elf tot twaalf centimeter (van snavelpunt tot starteinde) wat kleiner as de biejevreter. 't Geluud van een blauw paapjen klinkt as: tsie tsie tsie tirrrr

Veurkommen[bewark | bronkode bewarken]

't Antal blauwe paapjes is beheurlijk en oek 't gebied waor ze veurkommen is aorig groot. Hie brodt in zwat heel Europa tot in 't zujen van Scandinavië. Alleen in 't noordelijk deel van zien verspreijingsgebied is ie gedeeltelijk trekvoegel over kortere ofstanden naor 't zujen.

Levenswieze[bewark | bronkode bewarken]

't Blauwe paapjen brodt in loofbossen, gemingde bossen, hegen, parken en tunen. Hie nestelt in boomholtes, gaoten in muren en nestkastjes. 't Blauwe paajen het een veurkeur veur een klein vlieggat van 26-28 mm deursnee, daordeur kunnen de wat grotere biejevreters oek niet binnenkommen. 't Grappige is dat een nestkast mit een te groot gat soms 's zoemers deur blauwe paapjes gebruukt wort um te breujen en 's wienters deur biejevreters um te overnachten.

Taxonomie[bewark | bronkode bewarken]

't Blauwe paapjen is vanouds part van 't geslacht Parus. Deur nieje ontwikkelingen bin der ornithologen (veural Amerikanen) die 't blauwe paapjen in een ampart geslacht plaotsen, namelijk Cyanistes. De binomiaole naam wort dan Cyanistes caeruleus.

Nedersaksisch[bewark | bronkode bewarken]

Zie ok[bewark | bronkode bewarken]

Uutgaonde verwiezingen[bewark | bronkode bewarken]

Wikimedia Commons Commons: Blauw paapjen - plaetjes, filmkes en/of geluudsbestaanden.
Nuvola apps ksig.png Disse pagina is eschreven in 't Putters