Arend Lamm
Arend Johannes Ubaldus Lamm (Hengel, den 22. mei 1908 - Hengel, 9. february 1965) was nen dichter in et twentsk neadersassisk. In et dagelikse leaven makeden hee et van fytsenmaker töt medfirmant van Oude Egberinks Metaalfabrik in Hengel. Van 1951 töt synen doud in 1965 sat hee by in de redakty van et blad Twenteland. By leaven gavven hee eynen dichtbündel uut: Algerak in 1959; hyr is de Vosbergenschriefwiese vöär bruked. Syne gedichten wörden illustreerd döär syn neave, den skilder Henk Lamm. In et vöärwoord van Algerak pryst em Arnold Rakers den heamel in. Lamm dröäg ouk regelmåtig by an et neadersassiske literäre blad 't Swieniegeltje.
Nå synen doud hevt syn söäne Arend Lamm jr. twey versamelwarken van syn beste dichtsels uutgeaven: Tweantsche Bleujsels in 1974 un Bleujsels van de moderspraoke in 2006.
In 1954 wün hee med syn Karstgedicht ien doonkern nach ne prys van de domålige Twentsche Courant. Vanaf 1955 skreav Lamm in de vosbergenskryvwyse. Ouk skreav hee in 1955 en fuleton, Geike, in de Twentsche Courant, dat nit in bookform uutekomen is.
Styl en tema's
[bewark | bronkode bewarken]Lamm höldt sik an en strak metrum. Uut syne gedichten blikt en deepgånd roumsk gelöyv un en voordan reakening holden med den doud. In souwat al syne gedichten kümt den doud, Maria of God vöärby. Toch blyvet syne gedichten vreydig, beröstend en genetend van de tyd en de steade dee as em egeaven is. Mangs is et ne beskryving van nen dag in et gröön. Uut al syne gedichten blikt en starken band med et twentske land.
Uutgaves
[bewark | bronkode bewarken]- Algerak (1959)
- Tweantsche Bleujsels (1974, postuum)
- Bleujsels van de moderspraoke (2006, postuum)