Anne van der Meiden

Uut Wikipedia, de vrye encyklopedy
(döärstüürd vanaf "Anne van der Meijden")
Anne van der Meiden

Anne van der Meiden (Eanske, 4 juni 1929 - Nijverdal, 3 juni 2021) was nen Tweantsen domie en kommunikatiewetenskopper. An de vrogere Rieksuniversiteit van Utrecht was he hoogleraar in massakommunikatie en Publieke Relaties. In Tweante was he vuural bekeand van de koarkdeenste wat he in et Tweants heul, en zinnen Tweantsen Biebel.

Achtergroond[bewark | bronkode bewarken]

Van der Meiden wör geboorn in een Kristelik-Gereformeerd gezin. Noa et gymnasium in Eanske studeerdn he godgeleardheid. Doarnoa wör he domie in de protestaantse koarke van Meerkerk. Doarnöast studeerdn he marketing en kommunikatiewetenskopn. In 1972 promoveerdn he op ethiek in de propaganda van et vakgebeed wiesbegearige ethiek. hee hef op verskeaidene hogeskooln oonderwies egeewn, woeroonder ook an Monique Sleiderink. In 1994 gung he met emiroat.

Godgeleardheaid[bewark | bronkode bewarken]

Hee skreef völle beuke oawer geloof, reklame, propaganda, köjern vuur völle tooheurders en publieke relaties. Ook hef he verskeaidene strekromans op zinn naam stoan. Op 23 september 2007 was he te zeen in et IKON-programma Het Vermoeden, woerin at he köjerdn van det de koarkn rechtevoort te weainig achet op et woark van 'n Heligen Geest.

Biebelummezetting[bewark | bronkode bewarken]

Van der Meiden hef 52 biebelbeuke umme ezat in et Tweants. Doar mos he met stopn, umdet he et allemoal nit good mear kon zeen. Ook leiden he regelmoatig koarkdeenstn in et Tweants. In 2012 vertaaln hee 'n Oaldsaksischen heldendoad Heliand.

Oetgoande verbeendige[bewark | bronkode bewarken]