Abchazie

Uut Wikipedia, de vrye encyklopedy
Ligging van Abchazie in Europa. Et land ligt krekt ten westen van Georgie.
Abchazie
Et Ritsamear. Abchazie is een bargachtig gebeed mid een subtropisk klimaat. Et gebeed steyt ouk bekend üm syn stranden.

Abchazie (abchazisk: Аҧсны Apsny, georgisk: აფხაზეთი Apchazeti, russisk: Абха́зия Abchazia, armeensk: Աբխազիա Abchazia) is een neet-erkende ståt mid een uppervlakde van so'n 8.600 km² eleagen in de Kaukasus. De höyvdstad is Suchumi. Andere städen binnen under andere Gagra an de küst van de Swarte Sey, dat vöäral bekend stünd turistenbestemming in de sovjettyd.

Abchazie wördt döär een bült landen erkend as een autonome republik van Georgie en döär anderen as een unafhangelik land, et formde vöär de val van de Sovjetuny de Abchaziske Autonome Sovjetrepublik (Abchaziske ASSR) binnen de Georgiske SSR. Nå een upstand in jåren 1990 had et groutste gedeylde van et gebeed sik de facto losemaked van de rest van Georgie. Dit gebeed wördt vandage de dag militäär bestüürd döär Rusland. Abchazie gebrüükt de russiske rubel as betaalmiddel. Sinds 2006 givt Rusland ouk russiske paspoorten üüt an abchaziske börgers.

De Kodori-vallei in et süüdousten van et gebeed en de Gali-provinsy in et süden wörden bestüürd döär de georgiske centrale regering. De Gali-provinsy wördt vöärnamelik bevolked döär etniske georgiers. Nåst de afskeidingsregering in Suchumi is der ouk een rivaliserende progeorgiske provinsiale regering, dee opereert vanüüt de stad Tsjchalta in et boavenste gedeylde van de Kodori-vallei, een gebeed dat primäär bevolked wördt döär de an georgiers verwandede svaneten.

De totale bevolking van Abchazie in 1989 wördde eskatted up ungeväär 525.000, wårvan 240.000 georgiers, 93.000 abchazen, 80.000 russen, 77.000 armeniers en 15.000 gryken.

Vanweagen gevechten in et vöärst van de jåren '90 wördden etniske georgiers in et gebeed verdreaven üüt et groutste gedeylde van Abchazie, en de rebellenregering weigert se to te stån üm weader te keyren nå höär olde wuunplaatsen. Ungeväär 40.000-60.000 etniske georgiske vlüchtelingen hebben sik sinds 1998 in de Gali-provinsy evästigd, nådat dit gebeed weader in handen kwam van de centrale regering.

Et totale antal inwuners van Abchazie is unseaker, mär wördt eskatted up ungeväär 200.000.

Ståten dee Abchazie en Süüdossetie formeel as unafhangelik erkend hebben[bewark | bronkode bewarken]

De unafhangelikheid van Abchazie wördde samen mid dee van Süüdossetie erkend döär Rusland up 26 augustus 2008, later hebben Nicaragua, Venezuela, en de dree kleine eilandståten in de Stille Oceaan Nauru, Vanuatu en Tuvalu de twey regios as unafhangelik erkend.

Bestüürlike indeyling[bewark | bronkode bewarken]

Abchazie is verdeyld in söäven distrikten (abchazisk: араион, araion; russisk: район, rajon):

1) Gagra 2) Gudauta 3) Suchumi 4) Gulripsji 5) Otsjamtsjyra 6) Tkvarchel 7) Gali

De höyvdstad Suchumi maakt geen deyl üüt van een distrikt. De distrikten kennen as underverdeyling de stad (ақалақь, akalak'/город, gorod) en et darp (ақыҭа, akyta/село, selo).

Üütgånde verwysingen[bewark | bronkode bewarken]

Wikimedia Commons Commons: Abchazie - plaatjes, filmkes en/of gelüüdsbestanden.
Dit artikel is eskreaven in et westveluwsk, in de Nysassiske Skryvwyse.