Europese Unie

Oet Wikipedie, de vraaie enzyklopedie
(deurestuurd vanaof "Uropese Unie")
Gao naor: navigasie, zeuk
Europese Unie
Vlagge
Waopen
Parlement

De Europese Unie (EU) is n unie, van verskillende Europese landen. Op t moment bestiet t uut 28 landen, t ef n grondgebied van 4.381.376 km² en zwat 507 miljoen inwoners. As de EU as land eraekend wört nemt de Europese Unie n zeuvende plekke in op de wereldranglieste wat grondgebied angiet, en de därde, nao China en India, wat bevolkingsantallen angiet. De name van de unie kwam tot stand deur t verdrag van Maastricht in 1992, döörveur iette t de Europese Gemeenskap. t Eufdkertier van de Europese Unie zit in Brussel, België.

Kannidaot-lidstaoten[bewark | bronkode bewarken]

Volgens t EU-verdrag kan elke Europese staot lid wörren van de EU, op veurwäärde dät alle andere lidstaoten dermet instemmen. Dit prinsipe van unanimiteit wil zeggen dät één van de landen die al lid is de toetreding van n kannidaot-lidstaot kan blokkeren.

De kriteria wööran de lidstaoten mutten voldoen staon beskraeven in de Kriteria van Kopenaege. Onderdeel van disse kriteria is t volledig aovernemmen van t gemeenskapsrecht.

Der bint now vief kannidaot-lidstaoten:

1 Op 13 juni 2013, liet de Ieslandse minister van butenlandse zaken Gunnar Bragi Sveinsson an de Europese Kommissie weten dät de ni'je regering de onderandelingen "uut wol stellen".[1]

Van één land (Albanië) is de anvraoge tot lidmaotskap ontvangen en op 10 oktober 2012 deed de Europese Kommissie de anbeveling Albanië de staotus van kannidaot-lidstaot te gaeven. Bosnië en Herzegovina, Servië, Montenegro en Kosovo wörren offisieel erkend as meugelike kannidaot-lidstaoten[2].

Massedonië is sinds 17 desember 2005 n kannidaot-lidstaot van de Europese Unie. Vanwege n konflikt met Griekeland aover de name van t land en de slechte relasie met Bulgarije gaon onderandelingen niet ärg vlugge.

Turkije onderandelt sinds 4 oktober 2005 met de EU aover toetreding. t Seleksieproses is estart op 20 oktober 2005. t Is onbekend wanneer en óf Turkije toe zal traeden tot de Europese Unie. De Unie is naor eigen zeggen veur 2015 niet klöör um Turkije op te nemmen. De veurige Franse regering ef n ammendement in de Franse grondwet ezet dät n referendum neudig is as Turkije toetred. Määr de Europese regelgeving stiet dit niet toe, en de Franse regering die der now zit ef an-egaeven dät ze t niet ärg vinnen as Turkije eventueel zol toetraeden.

EU-landen[bewark | bronkode bewarken]

De volgende landen bint bie de EU an-eslöten:

1 zonder Gruunland en Faeröer
2 zonder Guernsey, Jersey en Man

Offisiële talen[bewark | bronkode bewarken]

De offisiële talen van de instituten van de Europese Unie bint:

Met de toetreding van Bulgarije en Roemenië vanof 1 jannewaori 2007 kwammen Bulgaars en Roemeens derbie. Ok kwam der n därde alfabet, t kyrillies (in gebruuk in Bulgarije), naost de al gebruukte Latiense en Griekse letters, bie in gebruuk.

Andere EU-talen[bewark | bronkode bewarken]

Semi-offisiële talen in de Europese Unie bint:

t Poolse parlementslid Małgorzata Handzlik pleitte veur de invoering van de internasionale taal Esperanto as tweede taal in Europa. Op 1 april 2004 wier ieraover estemd. Van de 626 leden waeren der 346 um verskillende redenen niet anwezig. 280 lu brachten der stemme uut. Döörvan was 43% veur.

Andere inheemse talen die in de Europese Unie espröken wörren, maer (nog) niet offisieel erkend bint deur de EU, bint o.a.:

Ofbeelding van de udige staotus[bewark | bronkode bewarken]

De udige en toekomstige lidstaoten


Referensies[bewark | bronkode bewarken]

  1. Euobserver.com: "Iceland's EU bid is over, commission told"
  2. EU: Meugelike kannidaot-lidstaoten

Uutgaonde verwiezingen[bewark | bronkode bewarken]

Wikimedia Commons Commons: Europese Unie - plaetjes, filmkes en/of geluudsbestaanden.
Nuvola apps ksig.png Dit artikel is eskreven in t Sallaandse dialekt van Zwolle, in de Algemene Nedersaksiese Skriefwieze.