Oostnriek

Oet Wikipedie, de vraaie enzyklopedie
Gao naor: navigasie, zeuk
Republik Österreich
Vlagge van Republik Österreich
Woapn van Republik Österreich
Kaarte van Republik Österreich
Kaarte van Republik Österreich
Informasie
Sproaken Duuts, regionaal ook: Sloveens, Krowatisch, Hongaars
Heufdstad Weenn
Regeringsvörm Federale republiek
Geleuf Rooms 78%
protestants 5%
Laand en inwonners
Oppervlakte 83.858 km²
Inwonners
- Dichtheid
8,3 miljoen
97 inw./km²
Koördinaoten 47° 30′ N, 14° 0′ OKoordinaoten: 48° N, 14° O
Oaverig
Volksleed Land der Berge, Land am Strome
Munteenheid uro (EUR)
Tiedzone +1
Nasjonaaln feestdag 26 oktober
Web | Kode | Tel. .at | AUT | 43
Oostnriek

Oostnriek (Duuts: Österreich), voloet Republiek Oostnriek (Republik Österreich), is n laand in Mildn-Uropa. t Laand greanst in t westn an Zwitserlaand en Liechtenstein, in t noordn an Duutslaand en Tsjechie, in t oostn an t Slowaaknlaand en t Hongaarnlaand en in t zuudn an Italiën en Sloveniën. De heufdstad is Weenn. t Laand hef ne öppervlakte van 83.858 veerkaante kilometer en t tealt 8,2 miljoen inwonners. Dat gef ne bevolkingsdichtheid van 97 inwonners/km².

De officiële taal is Duuts, mer regionaal wördt ok Sloveens, Krowaties en Hongaars sprökn. t Grootste deel van de Oostnriekers is rooms (78%). De leu betaalt der as in Nederlaand ok met de uro, umdat t laand lid is van de Uropese Unie.

t Oostnriekse laandschop wördt vuur dreekwart kenmearkd duur t gebargte van de Alpen. n Heugstn bearg van Oostnriek is n Großglockner met 3737 meter heugte. Aandere heuge bearge bint n Wildspitze (3768 m), n Weißkugel (3739 m), n Großvenediger (3674 m), n Hintere Schwärze (3628 m) en n Similaun (3606 m). In t oostn langs de riviere de Donau kenmearkt t laandschop zik duur leaglaand en glooinde heuveln. t Leagste punt lig in de deelstaat Burgenlaand. Hier lig Hedwighof eankeld 114 meter boavn zeenivoo. De twee belangriekste riviern bint de Donau en de Inn. Aandere grote riviern bint de Mur, Salzach, Enns en Drau.

Oostnriek is indeeld in neegn deelstaatn (Bundesländer), hieroonder neumd met biejbeheurnde heufdsteedn.

  1. Weenn (Wien) - (Weenn)
  2. Burgenlaand (Burgenland) - Eisenstadt
  3. Karinthiën (Kärnten) - Klagenfurt
  4. Salzburg - Salzburg
  5. Neder-Oostnriek (Niederösterreich) - Sankt Pölten
  6. Stiermarkn (Steiermark) - Graz
  7. Tirool (Tirol) - Innsbruck
  8. Vorarlberg - Bregenz
  9. Öpper-Oostnriek (Oberösterreich) - Linz

Oetgoande verwiezings[bewark | bronkode bewarken]

Wikimedia Commons Commons: Oostnriek - plaetjes, filmkes en/of geluudsbestaanden.