Putters
Oet Wikipedie, de vraaie enzyklopedie
't Putters is een West-Veluws en Nedersaksisch dialect dat espreuken wort in de Gelderse gemeente Putten. 't Putters is staark verwant an dialecten as 't Armeloos, Harderwieks, Niekarks en 't Barrevelds. 't Putters ku-j beschrieven as een Nedersaksisch dialect mar wel mit een bonk Nederfrankische invleujen, net zoas de meeste are West-Veluwse dialecten.
Onderwarpen |
[bewark] Variasie in 't Putters
Binnen Putten he-j wat 't dialect angaot, vaak al wat verschillen, bieveurd de uutspraak van 't Nederlanse woord geroepen, in 't overgrote deel van Putten is dat ereupen mar in Voorthuzen is dat eroepen. Kort bie Armelo en in Armelo zelf zegen ze: went, steet en geet veur 't Putterse: want, staot en gaot. Een van de are veurbeelden is Diermen, daor zegen ze: duun, doenker, leig en greig in de rest van Putten zegen ze: doen, donker/duuster, leeg en greeg.
[bewark] Schrieverie
Der is oek een dialectboek uut-ebrocht over 't Putters: Putters Praoten, hierin staot een lange alfebetische woordeliest mit typisch Putterse dialectwoorden en spreekwoorden, een antal verhaolen, ouwe recepten en typisch Putterse spelletjes. 't Putterse dialect wort oek gebruukt in 't Woordenboek van de Gelderse Dialecten (WGD) uut-ebrocht deur de Iesselakkedemie, oek in 't Barnevelds Woordenboek staon wat Putterse woorden van de angrenzende buurtschappen.
Veur een koppel Putterse dialectwoorden en uutdrukkingen ku-j 't best effen kieken bie 't artikel West-Veluws of West-Veluws woordeboek.
[bewark] Ossemart
Wie 't Putters greeg wil heuren, kan een bezeukjen brengen an de Ossemart een tredisionele naojaorsmart mit van alles en nog wat. Je heuren der werschienlijk zoveul Putters umdat 't van oorsprong een echt boers iets is, je zien der nog altied landbouwwarktugen (bieveurbeeld: dorskasten) en der worren oek tentoonstellingen ehouwen.
[bewark] Putters tellen
| Ciefer | Putters |
|---|---|
| 1 | een |
| 2 | twee |
| 3 | drie |
| 4 | vier |
| 5 | vuuf |
| 6 | zes |
| 7 | zeuven |
| 8 | acht |
| 9 | negen |
| 10 | tien |
 |
