Nederfrankies

Oet Wikipedie, de vraaie enzyklopedie
Gao naor: navigasie, zeuk
Nederfrankies taalgebeed (zunder t Zuudoost-Limbörgs). Brössel is wal vanoalds Nederlaandstalig west, mar t is al veul langer tweetalig dan Fraans-Vlaandern

t Nederfrankies is n dialektgroep met West-Germaanse Nederduutse taalvariëteitn, woar o.a. t Hollaands, Utrechts, West-Vloams, Oost-Vloams, Zuud-Gelders en t Broabaants oonder valn. Nederfrankiese dialektn wördn dus vuural sprökn in t zuudn en westn van Nederlaand en in Vlaandern en in t westn van Duutslaand (in noordelik Rienlaand, namelik in de Nederrien, in t noordn van de Benrather Linie). Ok t Limbörgs, alhoowal t pas as zölfstaandige strektaal anerkend is, beheurt vuur n groot deel töt t Nederfrankies en vörmt doarvan saamn met t Zuud-Gelders en t Nederriens de Maas-Rienlaandse groep.

In Duutslaand broekn ze meesttieds de term Südniederfränkisch vuur t Limbörgs en de doaran verwante dialektn in t noordelike Rienlaand, de Nederrien. In de Nederlaandse taalkunde neumt ze dizn dialektn Zuudoost-Nederfrankies, dervan oetgoand dat t Nederlaandse taalgebeed in oaverwegnde moate de opvoalger is van t Nederfrankiese.

Wieder mag ok t Afrikaans van Zuud-Afrika töt t Nederfrankies wördn reaknd. Oet dizn dialektgroep bint t Niejnederlaands (16e en 17e eeuw) en t Afrikaans oontwikkeld en nog later t Standaardnederlands. De oaldste fase wördt t Oaldnederfrankies of Oaldnederlaands neumd. De doaropvoalgnde heet Middelnederlaands, mangs ok wal Diets neumd.

Oonderverdeling[bewark | bronkode bewarken]