Opa

Oet Wikipedie, de vraaie enzyklopedie
Gao naor: navigasie, zeuk
n maachien met zien grotva

n Opa of grotvaa (groffaa) is nen kearl den at de vaa is van oew vaa of moo. Zinne vrouwe of leawnsgezellin is oew grotmoo. Iedereene hef veer geneetise grootooldn. n Naamn opa (in alle Tweantse lokale variaantn) wörd ook vake as skeeldnaamn gebroekt vuur jongs of kearls dee-t nöalt, of dee-t eulder köjert as wat ze beent, of vuur ene den at n aander belearnd ansprekt.

As de feailike euldn nit mear vuur n wich köant zorgn, nemt de grootooldn vake de zorg op zik. In tradisjonele kultuurn neamp de grotvaa ne balangrieke stea in de femilie in. Mangs as heuwd van de femilie, mear vake ook as leraar.

De vaa van n grotvaa wörd oawergrotvaa eneumd. Den zin vaa het bet-oawergrotvaa.

Neersassies[bewark | bronkode bewarken]

  • Drèents:
    • bes(se)
    • grootva(e)
    • grootvao(i)
    • grotva(e) (uutespreuken as grofva(e))
    • opa
  • Grunnegs:
    • opa
    • grootvoa(r)
    • pake (WEK)
  • Sallaands:
    • opa
    • grootva
  • Stellingwarfs:
    • pake
    • grotvae (uutespreuken as grofvae)
  • Tweants:
    • grotvaa (oet esprökn as groffaa)
    • opa
    • detta (Riesns, hoaste nit mear gebroekt, vake allene nog as skeeldwoord)
  • Urkers: beabe
  • Veluws:
    • grootva(o), grootvao(r)
    • grovva(o)
    • opa
    • groof (Bunschoten)


Wikimedia Commons Commons: Opa - plaetjes, filmkes en/of geluudsbestaanden.