Oldewater

Uut Wikipedia, de vrye encyklopedy
Gemaente Oldewater
Vlagge van de gemeante Oldewater Waopn van de gemeante Oldewater
(Vlagge van Oldewater) (Waopen van Oldewater)
Lokatie van de gemeante Oldewater
Lokatie van de gemeante Oldewater
Informasie
Proveensie Sticht Utrecht
Heufdplaatse Oldewater
Geografie en bevolking
Öppervlakte
 - Laand
 - Water
40,16 km²
39,34 km²
0,82 km²
Inwonners
Bevolkingsdichtheid
9.984 (1 juli 2006)
248 inw./km²
Koordinaten 52° 2′ N, 4° 52′ O

Koördinaoten: 52° 2′ N, 4° 52′ O

Aoverig
Belangrieke verkeersaoders N228
Netnummer 0348
Postkode 3420-3421
Offisiële webstie www.oudewater.nl

Oldewater is ne kleine stad en gemeente in et Greune Harte in de Nederlandse previnsie Utrecht. Et ligt an de munding van et reviertjen den Langen Linschoten in den Hollaandsen Iessel.

Geografie[bewark | bronkode bewarken]

De gemeente bevat de veurmoalege gemeenten Hoenkoop en Snelreweerd. Oldewater heurt sinds 1970 bi-j de previnsie Utrecht, doarveur was et n deel van Zuud-Hollaand. De gemeente hef ne oppervlakte van 40,17 km², woarvan 1 km² water. Doarnoast bint doar de darpen: Snelreweerd, Hekendarp en Papekop.

Geskiednis[bewark | bronkode bewarken]

Den eursprong van den name Oldewater is neet bekand. Et meest woarschienlek is dat et ne verbestering is van 'olde (uter)weerden'.

Oldewater was deur ziene ligging op de grenze van Hollaand en et Sticht Utrecht nen belangrieken grensvesten. De stad verkreg van den 38sten biskop van Utrecht - Hendrik van Vianden - rundumme et joar 1265 stadsrechten. [1] De prille stad beheurden eerst tot et Sticht Utrecht, moar dat mös heur in 1280 ofstoan an et groafskap Hollaand. Later lag Oldewater in de previnsie Zuud-Hollaand. Pas toon de previnsiegrenzen in 1970 wödden herzeen kwam Oldewater noa bi-jnoa 700 joar weer bi-j Utrecht.

Oldewater nam op 19 juli 1572 mit elf aandere steaden deel an de Eerste Vri-je Stoatenvergoadering in Dordrecht. In dizze vergoadering wierd den groand elegd veur den Stoat der Nederlanden under 'leiding' van et Huus van Oranje. De stad wödden as reaksie hierop op 7 augustus 1575 deur n Spaans Leager uut-eroojd, volgens de oaverleaveringen wisten moar dree inwonners dizze slachting te oaverleaven dee bekend steet as "den Oldewatersen Moord".

Oldewater was in de zestiende en zeventiende eeuwe nen belangrieken producent van touw. De omgeaving produceerden daartoe den grondstof hennep. De inwonners van et stadjen heet tot op den dag van vandage Gealboeken,[2] umdat de touwslagers gealege gedreugde hennepvezels om euren boek wikkelden. Oldewater heeft nog altied nen touwfabriek en n touwmuseum. Den touwfabriek, G. van der Lee, is zelfs et oldste nog bestoande femiliebedrief van Nederland. Het stamt uit 1545.

Bezeensweerdig[bewark | bronkode bewarken]

Oldewater hef völle monumenten. De binnenstad is veur n groot dele tot bescharmd stadsgezichte verkloard, en hef 128 gemeenteleke monumenten en 141 rieksmonumenten.
In Oldewater steet sinds 2003 n borstbeeld van Swiebertje, den zwarver uut den NCRV-televisie riege, dat wödden onthuld deur den acteur den dizze rolle spölden: Joop Doderer. In et stadjen en umgaeving waren destieds noamelek vül buutenopnamen veur de riege emaakt.

Galleri-je[bewark | bronkode bewarken]


Rifferenties[bewark | bronkode bewarken]

  1. Visse, M. (2000). Over monumenten gesproken . . . Monumenten en hun verhalen in Oldewater. Utrecht: Uitgeverij Matrijs.
  2. Onbekende auteur (2007). Knopendraaiers. De IJsselbode van 24 januari 2007, p. 20.