Renswou
Renswou (uutleg: Rhenens woud, uut de tied dat dit grondgebied nog bie Rhenen heurde), is een gemeente en een plek in de Nederlaanse previnsie Utrecht. Geschiedenis [bewark]Al in 855 wordt Renswou as silva Hrenhem ('t Rhenense woud) genoemd in een oorkonde. De nederzetting Renswou is veul minder oud. Die ontston eigenlijk veul laoter rondom 1400. Renswou beston toe uut een verstarkt huus, de Borgwal genoemd, en een paor boerderijen rondom 't gebied. In 1638 stichtte Johan van Reede een daarp bie de veurmaolige Borgwal. Dit beston uut de Daarpstraot van noe, mit hierlangs wat lientbebouwing. Hiernaost ontstonnen der nog twee achterwegen, de Meulstraot en de Kaarkstraot van vandaog. Ok liet Van Reede 't kesteel van Renswou (1654) en de koepelkaark (1639) bouwen (Wolleswinkel, 1998). 
In 1674 wier Renswou een "Hoge en vrieje heerlijkheid," een gebied mit een eigen onafhankelijke rechtspraok. Uut disse heerlijkheid onstaot in 1795 de gemeente Renswou. Pas in 1818 wieren de grenzen van de gemeente vast-esteld. Maar 't was al eeuwen dudelijk hoe die grenzen liepen. Nieuwe geschiedenis [bewark]Plannen veur grenswiezigingen en gemeentelijke herindeling hebben een belangrieke rol gespeuld in de geschiedenis van de gemeente Renswou. Een belangrieke grenswieziging von plek op 1 jannewaori 1960. Toe raokte Renswou grote stukken van heur grondgebied kwiet an 't Veen en Schaarpezeel. 't Ging hier onder aandere om de Emminkhuzerveen. Dit gebied was rondom de 150 bunder groot. Renswou is de hele tied nog de kleinste zelfstandige gemeente in de previnsie Utrecht. Al jaoren zin der plannen veur een saomenvoeging mit Wombaarg en Schaarpezeel. Disse gemeentes lieken hier wel wat veur te veulen, 't kleezje en de gemeenteraod van Renswou niet. Op 26 september 2007 was der een referendum over mit as onderwaarp de zelfstandigheid van Renswou. Mit een 83,7% was de opkomst hoog. 98,4% van de kiezers stemde veur zelfstandigheid, 1,6% tegen. Uutgaonde verwiezing [bewark]
|
||||||||||||||||||||||||||||||||||||||||||||||||||||||||||
-Flag.svg){kind=small}
