Renaissance

Oet Wikipedie, de vraaie enzyklopedie
Gao naor: navigasie, zeuk
Portret van Giovanni Arnolfini en zien vrouw, deur Jan van Eyck, eschilderd in 1434

De renaissance is n stailperiode tussen de vrouge 15e aiw en begun 17e aiw. De noam Renaissance is Frans veur weergeboorte. Hiermit wordt beduild de weergeboorte van de kunst uut de klassieke oldhaid. Veul elementen uut de Olle Griekse en t Reumse kunst binnen trug te vinden in de Renaissance-kunst (bv. piloarn en frontons). De Renaissance begon in Itoalie deur de opkomt van de archeologie, woardeur man interesseerd roakte in de klassieke oldhaid. De renaissance wordt zain as n bluiperiode noa de donkere periode van de Middelaiwen. Dizze opbluien wordt in alle toupaste kunsten uutbeeld.

Schilderkunst[bewark | bronkode bewarken]

Zo is in de schilderkunst veul meer kleurgebruuk te vinden, meer realistiziteit en rustige kompositsies. In de renaissance wordt ook n poging doan om perspektief uut te beelden, mor mit weinig succes. t Echte perspektief komt pas in de barok tot staand. De verholdengs kloppen wel, in tegenstellen tot de middelaiwse kunst.

n Veurbeeld van n renaissance-schilderij is de Mona Lisa. t Schilderij zugt der realistisch uut en man het t idee dat Mona Lisa hailmoal bewegensloos is.

In de Renaissance wuir t zölfwezen van de mìns belaankriek, woardeur ook de opkomst van de portretkunst n feit was.

Beeldhaauwkunst en architektuur[bewark | bronkode bewarken]

Ook in de beelhaauwkunst en de architektuur komt dizze rust en realistiziteit weer trug. Beelden lieken ook stil te stoan (bv. David van Michelangelo).

Meziek[bewark | bronkode bewarken]

Vitruvische Mìns

De meziek is, net as de andere kunsten, ook vleureger. De meziekkleur bestaait in de Renaissance veural uut lichtblaauw. Dit omdat t ook n rust in zoch het.

Waitenschop[bewark | bronkode bewarken]

In de Renaissance kwam ook de waitenschop op. Veurheen, in de middelaiwen, was de verkloaren veur alles: god. Alles wat man nait verkloarn kon, was gewoon god's waark. In de renaissance, dou de mìns zölf belaankrieker wuir, begonnen mìnzen zoch meer of te vroagen van hou of wat. n Veurbeeld van n waitenschopper uut de Renaissance is Leonardo da Vinci. Hai was ain van de eerste anatomische geleerden noa de Grieken en de Reumers. Noast dit op papier te zetten, zo as de Vitruvische Mìns, gebruukte hai de kennes van de anatomie ook in zien schilderijen.