Kopzeerte

Oet Wikipedie, de vraaie enzyklopedie
Gao naor: navigasie, zeuk
Caduceus.png Wikipedie kan gien garaansie geven dat artikels 100% kloppen. Bie mediese klachten ku-j 't beste even bie de dokter langesgaon.

Kopzeerte is geveul van zeerte in de kop. Iederene hef wel es las van kopzeerte, mar as 't langer duurt kan 't oek een symptoom ween veur meer of minder naore ziektes. As een kopzeerte neet deur aandere dingen kan koemen, mut der medisch onderzeuk edaon wonnen. In Nederlaand is 't volksziekte nummer één.

Kopzeerte zit neet in de harsens. De zeningen rond de harsens wonnen bie een kopzeerte te veul eprikkeld. Soms verwiejen de bloedvatten in 't harsenvlieze zich. Oek kunnen de zeninguuteindes verschillende stofjes ofgeven, dee een steriele ontstekingsreactie op gang brengen. Dit is een ontsteking zonder bacteriën of virussen. Dit leit tot 't ophopen van voch en nog meer uutscheiding van disse stofjes, dee de kopzeerte argerder maken.

Oorzaken[bewark | bronkode bewarken]

  • De meeste kopzeertes vallen onder 'spanningskopzeerte', waorvan de oorzaak neet goed begrepen wonnen. Der is gien dudelijke lichamelijke oorzaak.

Kopzeerte kan daornaos veroorzaak wonnen deur:

Behaandeling[bewark | bronkode bewarken]

Kopzeerte as symptoom kan verhölpen wonnen deur:

  • Genog te slapen
  • Genog te eten en drinken
  • Genog lichaamsbeweging en frisse luch
  • Neet te veul alkehol en koffie gebruken

Medecienen[bewark | bronkode bewarken]

Der bin een antal medecienen um kopzeerte tegen te gaon. De bekendste bin:

Bie 't gebruuk van medecienen tegen kopzeerte mu-j oppassen veur medecienofhankelijke kopzeerte. Bie disse vorm van kopzeerte is der een verslaving op-etrejen of bi-j gewoon ewend eraak an 't medecien. Hierdeur vermindert 't medecien de kopzeerte neet meer, mar wonnen de kopzeete argerder as 't medecien neet in-eneumen wonnen. 't Ontwennen van medecienofhankelijke kopzeerte kan een langdurig en pienlijk preces ween. In tegenstelling tot wat veule luui denken, kan 't oek veurkoemen a-j een lange tied of te veule paracetemol of aspirine innemen.

Meugelijke alarmsymptomen[bewark | bronkode bewarken]

  • a-j boven de vuuftig jaor bin en veur 't eers kopzeerte kriegen
  • een eerste migraineanval boven 't veertig jaor
  • kopzeerte bie pesjenten jonger as 6 jaor
  • ouwer volk mit plaoselijke oppervlakkige kopzeerte an de slapen
  • zwangeren mit een veur hulen onbekende kopzeerte
  • toename van kopzeerte nao een ongeval
  • hevige kopzeerte bie iezelig hoge bloeddrok
  • bots naore kopzeerte kriegen
  • kopzeerte mit koorse en der minder mit de kop bie ween
  • kopzeerte en zeerte in de nekke bie 't bugen van de kop
  • kopzeerte mit functiestoornissen van zeningstelsel (krach in de narms en benen, sprake en der minder mit de kop bie ween)
  • 's mannens spiejen, spiejen neet samenhangend mit kopzeerte
  • kopzeerte mit veraandering van de persoonlijkheid
  • kopzeerte mit achteruutgang van prestasie op schoele
  • migraine mit aura de heeltied an dezelfde kaante

Bie disse gevallen wonnen der an-eraojen naor een dokter te gaon.

Nedersaksisch[bewark | bronkode bewarken]

  • Achterhooks: heufdpiene, heufdzeerte, koppiene
  • Drèents: heufdpien(e), heufdzeert(e), koppiene, kopzeert(e), kopzèer
  • Grunnegs: kopzeer(d)e, heufdpien(e)
  • Stellingwarfs: heufdpiene, heufdzeerte, koppiene
  • Tweants:
    • koppiene, heufdpiene, kopzeert(e), heufdzeerte
    • n zear heufd, nen zearn kop, ~ dak, ~ harsens
    • "n kop/t heuwd denst dr mie op/an"
  • Veluws:
Nuvola apps ksig.png Disse pagina is eschreven in 't Nunspeets