Wikipedia
Oet Wikipedie, de vraaie enzyklopedie
Wikipedia (op nds-nl: Wikipedie) is een prejek van de Wikimedia-stichting, die as doel ef um in elke tääl een volledige en rechenvri'je encyclopedie op 't internet te mäken. Naost typische encyclopedie-artikels bevat Wikipedie ok infermasie die väke in verband ebrach wordt mit almenakken, specialitische tiedskriften en zäken die in 't ni'js bint .
Onder de pärreplu van de Wikimedia-stichting bint verskillende prejekken, waorvan Wikipedie 't oldste, bekendste en succesvolste prejek is. De orgenisasie Wikipedia is evestigd in Florida, Amerika en ef gien winstoogmärk. Wikipedie is estich deur Jimmy Wales.
Umdät de artikels deur elke bezuker bewärkt kunnen wonnen, geef Wikipedie gien gerantie dät de artikels ok daodwärkelijk goed eskreven bin. Vandelisme is väke een prebleem, veural bi'j de wat grotere Wikipedieën.
't Wikipedie-prejek is begunnen op 15 jannewaori 2001, mär bestun toe alleend nog mär in 't Engels. De eerste anderstälige versie was in 't Fraans, en begun op 23 meert 2001. De Nedersaksische versie van Wikipedie is begunnen op 23 meert 2006 en ef noe 3.974 artikels. Disse is te vienen op nds-nl.wikipedia.org. De Engelse versie is 't grootst en ef al roem twiemiljoen artikels. In totaal bint der meer as 8 miljoen artikels te vienen op iel Wikipedie in 253 verskillende tälen.
 |
