Farao

Oet Wikipedie, de vraaie enzyklopedie
Gao naor: navigasie, zeuk

Farao is n titel veur Egyptische vôrst dij veur meer as 3000 joar trug over t grode Egyptische riek regeerden. Zai luitn de bekinde graftempels en piramides, veur zok baauwen p, om begroaven te worden.

Faraos dij t maist vernuimd binnen deur opgroavens, binnen bieveurbeeld Toetankhamon, Toetmoses en Ramses II

De farao's van t olle Egypte binnen onderverdaild in 31 Egyptische dynastien en 2 dynastien van bezetters (Macedonische dynastie en ptolemeïsche dynastie). Voak waren farao's mannelk, moar oetzönderns as Nefertiti, Hatsjepsoet en Cleopatra hebben zochzölf in de geschiednis zet. Bie Hatsjepsoet gong t zo wied dat zai zölfs n kunstboard druig, n ding dat veur en noa heur allend moar deur mannen droagen wuir.

Farao's wuiren voak op goddelke wies vereerd, omdat mìnsken dochten dat de farao kontakt haar mit de goden en zölf n god was. Farao's duigen den ook voak n kroon en golden sieroaden, mit in heur haand n golden septer.