Kiefte

De kiefte

Een kieftsnes

De kiefte (Latien: Vanellus vanellus) is een van de meestveurkoemende weidevoegels in de Benelux mar 's zoemers trek de kiefte naor 't zujen toe um te overwienteren.

Uterlijk

De kiefte is zwart-wit en daor deurhinne hef e wat greun bie zitten. Hij wonnen gemiddeld 30 tot 35 centimeter lange. Hij hef een zwarte baand op zien bors en op zien kop hef e een lange zwarte kuuf, dee umhoge kan staon. Zien vleugels bin aorig lange mar ondanks dat e lange vleugels hef vlig e altied zeutjes an.

Voortplanting

Disse voegel leeg zien eiers in een kuultjen in 't gres. Zien eiers guilen vrogger as deliketesse. In Frieslaand hemmen ze de tredisie um eiers te rapen (aaisykje), 't eerste kieftsei wonnen dan an Commessaoris van de Koneginne an-ebeujen en kondig 't begin van de lente an. Bie 't aaisykje wonnen 't nes emarkeerd zodat de boeren weten dat der een nes is en zodoonde oppassen mit 't meien van 't gres. 't Breudseizoen van de kiefte loop van half meert tot an juli. Voegels waovan 't eerste breuisel mislok, preberen 't vake laoter in 't seizoen weer. Een nesjen besteet meestentieds uut vier eiers van gemiddeld 47 x 34 mm. 't Breujen duurt 26 tot 28 dagen.

Waornemingen in Nederlaand

• Waornemingen ku-j hier melden
• Kaort van Nederlaand mit waornemingen

Nedersaksisch

• Veluws:
  • kieft(e)
  • kieviet(e)
  • kiewiet (Nunspeet, Uddel, Bunsjoten, Vaossen)
• Sallaans: kiefte
• Tweants: kiefte
  • oetdrukking: 'hee löp at ne kiefte' (hee löp vlot en stewig)

Uutgaonde verwiezingen

• 't Geluud van de kiefte (wav-bestand)
• SoortenBank.nl - beschrieving, ofbeeldingen en geluud

Commons: Kiefte - plaetjes, filmkes en/of geluudsbestaanden.