Hendrickje Stoffels
Van Wikipedie
|
|
Hendrickjen Stoffels (Breevoort, 1626 – Amsterdam, juli 1663) was ne schildersmodel ten tiede van den Republeek der Zeven Verenigden Nederlaanden en leavensgezal van den kunstschilder Rembrandt van Rijn.
Onderwarpen |
[bewark] Jeugd in Breevoort
Hendrickjen wierd geboarn as dochter van sergeant Stoffel Stoffelse en Mechteld Lamberts in den garnizoonsstad Breevoort in den Geldersen Achterhook. Sergeant Stoffel Stoffelse was eigenlijk Jäger van et kasteel te Breevoort en wörd doarumme ok 'Jeger' eneumd. Zien kinder heetten in den umgängstoal 'Jegers', moar in officiële acten altied 'Stoffels'. Herman was joarenlang ne zeer geacht burger in Breevoort. Van him stammen in vrouweleken liene veul Bredeoortsen families of.
Hendrickjen had dree breurs: Hermen, Berent en Frerick. Hermen en Berent waren ne tiedlang ok soldoat in Breevoort. Zi-j hebt geen dienste edoan buuten dizzen stad. Berent en Frerick bunt beide vri-j jong estorven. Berent oaverleed in hetzelfden jaoar as Hendrickjens va. Hendrickjen had ne zusken, Martijne Jegers, en miskien had zi-j ok nog ne zuster Margriete. Martijne trouwden mit Jan Kerstens Pleckenpoel uut Lechtenvoorde. Dizzen was ok nen tiedken soldoat in Breevoort. Noa zien oaverlieden hertrouwde Martijne mit Berent van Aelten.
Hendrickjes va overleed vri-jwal zeker in juli 1646, meugelek as neet geïdentificeerd slachtoffer van den ontploffing van den kruuttoorn in Breevoort in juli 1646. In januari 1647, noa den normale rouwtied van ne half joar, hertrouwden den weduwe Mechteld Lamberts mit noaber Jacob van Dorsten, ne weduwnaar met drie nog junge kinder. As gevolg van dizzen gezinsumstendigheden möt Hendrickjen in 1646 of 1647 noar Amsterdam egoan wean.
[bewark] Amsterdamsen tied
Hendrickjen was dus vanof rundumme 1647 bi-j Rembrandt in hues. Eerst as dienstmeid, moar al rap wöd zi-j meer. In 1649 is Hendrickjen in den zommer trög in Breevoort; zi-j wödt dan as doopgetuuge vermeld in et Breevoorts Doopbook. Den Tachtigjoarige Oorlog was veurbi-j en endelek was doar ok in et oosten van et laand rüst ekommen. Meugelek hef Rembrandt soamen mit heur den reize noar Breevoort emaakt. In 1654 möt Hendrickjen veur den karkenroad verskienen umdat ze "in hoererij" leaft mit Rembrandt. Dat zi-j neet allenig zien dienstmeid was, was wal duudelek, want zi-j was zwanger van zien dochter. Op 30 oktober 1654 wöd Cornelia van Rijn edoopt in den Olden Karke te Amsterdam.
Rembrandt kon neet mit Hendrickje trouwen, umdat hi-j dan den arfenis van zien eersten vrouwe Saskia van Uylenburgh zol verspeulen. Zelfs mit dat geld had hi-j al genög geldeleken zorgen.
Hendrickjen kon good oaverweg mit Titus, den zünne van Rembrandt en Saskia. Terwijl Rembrandt steeds wieter in de geledeleke problemen raakte, dref zi-j soamen mit Titus nen kunstwinkel woar zi-j zien skilderi-jen verkoften. Ok beneumde Titus zien halfzuster Cornelia tot zien arfgenoam. In 1663 trof nen pestepidemie Amsterdam. Ok Hendrickjen wierd (woarskienlek, doar bunt ok aandere theoriejen oaver *Het Borstkanker Boek) deur dizzen zeekte etroffen.
Hendrickje wöd op 24 juli 1663 begroaven in den Westerkarke in Amsterdam. Doar bunt meerdere skilderi-jen van Rembrandt woarvan wödt vermood dat zi-j doarveur model hef stoan.
[bewark] Trivia
LINT-treinstel 24 van vervoersmaotschoppi-j Syntus is verneumd noar Hendrickjen Stoffels.
