Brulfte

Oet Wikipedie, de vraaie enzyklopedie
Gao naor: navigasie, zeuk
't Uutwisselen van de trouwringen
Een schilderie van een brulfte van vrogger
En dan ma-j noen de bruid kussen

Een brulfte of een trouwerieje is een fees dat evierd wonnen as twee meensen mit mekaar gaon trouwen. De benaming brulfte wonnen oek wel gebruuk veur alle onderdelen dee op de dag van de brulfte gebeuren.

Brulfte in Nederlaand en België[bewark | bronkode bewarken]

Een brulfte, zoa-w dat in Nederlaand en België kennen, kan bestaon uut meerdere onderdelen. 't Veurofgaond burgerlijk huwelijk is hierbie verplich. Daornaos bin der één of meerdere aandere onderdelen. Een standardbrulfte volgens 't boekjen ziet der ongeveer zo uut:

  1. Burgerlijk huwelijk in 't gemeentehuus of stadhuus
  2. Fotorippertazie en / of videorippertazie van 't bruidspaor en de naoste femilie
  3. 't Karkelijk huwelijk
  4. Een feesmaoltied veur 't bruidspaor en naoste femilie
  5. Een receptie veur femilie, vrienden en kennissen
  6. Een brulfsfees veur femilie en vrienden

Der is over 't algemeen een dudelijke scheiding tussen de daggasten en de receptie- of feesgasten. Bie 't avendeten kunnen de ouwers van 't bruidspaor een toesprake houwen. Bie de receptie of 't fees kunnen der teneelstukjes en sketches op-evoerd wonnen en liedjes ezungen wonnen deur femilie en vrienden, hierin koemen verschillende dingen veur dee 't bruidspaor mee-emaak hef, of 't bruidspaor wonnen flink in maling eneumen.

In de Nederlaanse cultuur is der tegensworig gien vaste meniere meer waorop een brulfte eregeld is, en bulte bruidspaoren kiezen hierin dan oek der eigen weg.

Tredisies[bewark | bronkode bewarken]

Trouwkaorte[bewark | bronkode bewarken]

Een trouwkaorte wonnen een antal weken van teveuren estuurd naor de uut-eneudigen gasten. Op de kaorte steet de naam van 't bruidspaor en de trouwdaotum. Geleuvigen zetten vake D.V. op de kaorte dit is Latien veur as God 't wil (Deo Volente).

Ringen[bewark | bronkode bewarken]

Op de dag van de brulfte wonnen de trouwringen uut-ewisseld. Dit wonnen meestentieds edaon in 't gemeentehuus, mar sommigen bruidspaoren doon 't liever bie de karkdiens.

Taarte[bewark | bronkode bewarken]

Op een bepaold mement wonnen de brulftstaarte an-esnejen.

Bloemstuk[bewark | bronkode bewarken]

't Bloemstuk of de kersage wonnen de hele dag edreugen deur 't volk dat uut-eneudig is veur de brulfte. De bruid hef een trouwboeket bie der, volgens de tredisie mag de bruid 't trouwboeket neet zien tot de mannen van de trouwerieje. Vake wonnen 't trouwboeket dan over de scholder egooid en as een aander frommes 't dan vangt, dan zal ze de eerste ween dee trouwen geet.

Bruidsjurk[bewark | bronkode bewarken]

De bruidsjurk is vake 't belangriekste (en duurste) kledingsstuk veur 't huwelijk. Net as bie de kersage, mar noen ummekeerd, mag de brugem volgens de tredisie de bruid neet heur jurk zien veur 't huwelijk.

Kosten van een brulfte[bewark | bronkode bewarken]

Tot an de jaoren 70 was 't gebrukelijk dat de vaor van de bruid de kosten van de brulfte zol betaolen mar tegensworig betaolt 't bruidpaor de trouwerieje zelf. Disse veraandering is ekeumen deurdat de meerderheid van bruidspaoren allange 't huus uut bin veurdat ze trouwen en hokken dan vake al een hortjen.

Huwelijksverjaordagen[bewark | bronkode bewarken]

Huwelijksverjaordagen
1 jaor pepieren brulfte
2 jaor leren brulfte
5 jaor houten brulfte
10 jaor tinnen brulfte
12½ jaor keuperen brulfte
15 jaor kristallen brulfte
20 jaor porseleinen brulfte
25 jaor zilveren brulfte
30 jaor paorel brulfte
35 jaor rebienen brulfte
40 jaor smaraggen brulfte
45 jaor seffieren brulfte
50 jaor gouwen brulfte
60 jaor diamanten brulfte
65 jaor briljanten brulfte
70 jaor platina brulfte
75 jaor albasten brulfte
80 jaor eken brulfte

Zie oek[bewark | bronkode bewarken]

Nedersaksisch[bewark | bronkode bewarken]