Äärdvärken

Oet Wikipedie, de vraaie enzyklopedie

't Äärdvärken (van 't Afrikaanse woord aardvark, Latien: Orycteropus afer) is een vremdsoortig zoogdier dat veurkump in zwat iel Afrika in 't zuden van de Sehara. Ondanks de naam is 't äärdvärken gien femilie van 't värken, mä nauwer verwant an dieren as de olifanten, zeekoen en klipdassen. 't Is de ienigste overlevende vertegenwoordiger van de orde van de buistaandigen (Tubulidentata).

't Äärdvärken is makkelijk te herkennen an zien grote oren, korte poten en värkenssnuite. Zien voedsel bestäät veurnamelijk uut termieten en empen. De huud van 't äärdvärken hef mä minnig haor.

[bewark] Viejanen

De belangriekste viejanen van 't äärdvärken bin jachthonden, pythons, leeuwen en luipeerden. Jonge äärdvärkens kunnen ok egrepen worden deur wilde zwienen. Boeren jagen op 't äärdvärken umdat de holen onhendig bin en gevaorlijk veur laandbouwmesines, vee en dieken.

As 't äärdvärken märkt dat ie neet kan winnen vlucht ie naor zien hollegien, of i'j graaft een kule. Mit zien klauwen en alderbärstensstärke poten maakt een äärdvärken binnen vuuf menuten een gang van een paor meters lang, waor i'j ielemaol in past. Daorbi'j verzet ie een paor kubieke meters grond.

[bewark] Nedersaksisch

• Grunnegs: eerdswien
• Stellingwarfs: eerdvarken
• Tweants: eerdvearkn/-varkn/-vaarkn/-voarkn
• Veluws: eerdvarken/-värken/-vaarken