Wubbo Ockels

Uut Wikipedia, de vrye encyklopedy
Nå navigaty springen Nå söken springen
Wubbo Ockels in 2007

Wubbo Johannes Ockels (den 28. määrt 1946 – den 18. mei 2014) was nen neaderlandsken natuurkündigen en rüümdevöärder vöär et Europeeske Rüümde Agentskap ESA. In 1985 güng he as eyrsten neaderlander med de rüümde in an board van de Space Shuttle Challenger STS-61-A. Nå synen tyd as rüümdevöärder wör Ockels professor Aerospace for Sustainable Science and Technology an de fakulteit Lucht- en Rüümdevårt an de Techniske Universiteit van Delft.

Leaven[bewark | bronkode bewarken]

Wubbo Ockels wör geboaren in Almelo as nen söäne van nen landmeatkündigen, mär hee groiden up in Brielle. Hee deade natuurkünde en wiskünde studeren an de Ryksuniversiteit Grönningen en haalden syn doktoraaleksamen in 1973 med lov. Nå syne study deade hee ekspirimenteren med et verval van atoomkerne under uutsending van gammastrålen an et Kernfysisch Versneller Instituut (KVI). In 1978 proveerden hee hyrup töt dokter an de Ryksuniversiteit van Grönningen.

As weatenskapper en butengewoan hougleraar wör hee in 1978 aneweysen döär de ESA üm med te gån med et Spacelab-programma, en samenwarkingsprojekt van de ESA en de NASA. Med noch twey andere vakbröders wör hee köäsen as payload-specialist vöär de Spacelab-1-missy. Hee volgeden in 1980 en 1981 ne upleiding töt rüümdevöärder an et Lyndon B. Johnson Space Center in Texas in de Vereynigde Ståten. By de eyrste Spacelabvlucht in 1983 deade hee vanaf de aerde kommuniceren en underling oaverleggen med de weatenskappers an board.

Van den 30. oktober töt en med den 6. oktober 1985 güng he med de Challeenger med de rüümde in. By de vlucht en de tyd in et Spacelab D-1 güng hee oaver de vöäle meatapparaten, wårmed as de weatenskappers allerhande pröve uutvoorden. In syne söäven dage an board voorden hee meyr as söäventig pröve uut.