Winschoot

	Veurmaolige gemeente Winschoten
	; Lokasie van de veurmaolige gemeente Winschoten
	Informasie
Provinsie	Grunnen
Heufdplaotse	Winschoot
	Geografie en bevolking
Oppervlakte; - Laand; - Waoter	22,24 km²; 21,66 km²; 0,58 km²
Antal inwoeners; Inwoeners per km²	17.850 (2019); 803 inw./km²
Koordinaten	53° 9′ N, 7° 2′ O
	Overig
Belangrieke verkeersaoders	A7
Netnummer	0597
Poskodes	9670-9679
	Op-egaon in Oldambt

Winschoot (Nederlaands: Winschoten) war n gemainte en is n stad de hudege gemainte Oldambt in t oosten van de provìnzie Grunnen. t Haar op 1 jannewoari 2006 18.461 inwoner. t Is de daarde stad van Grunnen en het as bienoamen Molenstad en Sodem.

In Winschoot ligt de grootste rozentoen van Nederlaand, en t is de zuderoever van de Blaauwe Stad.

Op 1 jannewoari 2010 is gemainte Winschoot opgoan in nije gemainte Oldambt.

Geschiednis

In de negentiende en t begun van de twintegste aiw was Winschoot n echte handelsstad worden, veural deur de aanwezeghaid van veule jeuden. Op n bevolken van 4.972 inwoners haar Winschoot in 1859 n Jeudse gemainschop van 534 personen. Ook speulde de aanleg van n spoorweg noar Grunnen in 1867 n grode rol. De geschiednis van Winschoot kent n hail swaarte bladziede deur t ofvouern van de jeuden in de Twijde Wereldkraig, dij sikkom apmoal vermoord binnen in konsentrasiekampen. Winschoot wer in 1945 bevraid deur Belgische SAS, Kanadese en Poolse troupen

Adrillen

Al sinds 1815 wordt op elke eerste moandag van november de Winschoter joarmaarkt 'Adrillen' organiseerd. Op de twijde moandag van dizze moand gaait 'Lutje Adrillen' van start. De joarmaarkt trekt tachteg- tot honderddoezend bezuikers en is de grootste van hail Nederland.^[1] n Begrip van de maarkt is 'Popko', t vingerwiezende boertje mit in zien linkerhaand n drijtaand, dij van 1995 tot 2011 joarenlaank bezuikers verwelkomde mit de spreuk: "Hé..., Doe! Komst óók op Adrillen?!". In 2011 beslisde de Gemainte Oldambt n aander 'format' te kaizen veur Adrillen en wuir er ofschaaid nomen van t Grunneger boertje dat nou daint as Grunneger beeldmaark van de 21e aiw.^[2]

Vernuimde inwoner

Jaap Meijer (Saul van Messel) (1912-1993), dichter in t Grunnegs en historikus

Boetende hìnwiezen

Commons: Winschoot - plaatjes, filmkes en/of gelüüdsbestanden.

Webstee gemainte

↑ "196ste Adrillen in volle gang", Dagblad van het Noorden, 7 november 2011
↑ ""Popko, hét Groninger beeldmerk van de 21e eeuw!"". Het Verhaal van Groningen, (website bekeken op 01-03-2012)

Dit artikel is noch maar en beginnetje. Help mid döär et uut to breiden.

[1] "196ste Adrillen in volle gang", Dagblad van het Noorden, 7 november 2011

[2] ""Popko, hét Groninger beeldmerk van de 21e eeuw!"". Het Verhaal van Groningen, (website bekeken op 01-03-2012)

[1]

[2]