Willemstad (Noord-Broabant)

Oet Wikipedie, de vraaie enzyklopedie
Gao naor: navigasie, zeuk
Willemstad (anzicht)

Willemstad is n vestingstadjen en veurmoalege heerlekheid in de gemeente Moerdiek, in de Nederlandse previnsie Noord-Broabant. Willemstad ligt woar et Volkerak en Hollaands Deep bi-j mekare komt.

Geskiedenis[bewark | bronkode bewarken]

Vrögger lag doar nen gors. Toon Jan IV van Glymes, markies van Bargen op Zoom dizzen had loaten inpolderen, ontstoand rundumme 1565 et darpjen Ruigenhil. Op 17 juni 1583 namen de Spanjoarden Steenbargen in. Willem van Oranje leet Ruigenhil verstarken tot nen veste. Noa zienen dood in 1584 verleenden zien zönne, Prinse Maurits, den plaatse in 1585 stadsrechten. Willem's stad kreg den ni-jen name Willemstad.

Prins Maurits leet den 'vestenmeister' Adriaen Anthonisz den veste uutbreiden tot zien vörm van vandage nen 7puntigen stern. De bastionnen wödden ieder geneumd noar éne van de zeuven previnsien dee zich hadden vereanegd in den stried teggen Spanje. Den plattegroand van et stadje past zo good bi-j de vestingwarken dat mangs edacht wödt dat beiden tegeliekertied bunt emaakt. Vrögger had den veste vief bastionnen en twee kleine forten. Den veste is meerdere moalen verbetterd.

Ok wörd, deur Coenraet Norenburch, in Willemstad ne prottestantse karke bouwd, de Koepelkarke (1607). Dit is den eersten veur den prottestantsen eredeenst ebouwde karke in Nederlaand. Prins Maurits gaf geld veur de karke, op veurweerde dat dizze in nen runden of achtkaanten vörm zol wödden ebouwd. In 1623 leet Maurits in Willemstad den Princehof bouwen (teggenwoordig Mauritshuus). Et huus was vanof 1973 et stadhoes van de gemeente Willemstad, tot dizze in 1997 samenging in de gemeente Moerdiek.

Der besteet nog altied nen band tussen Willemstad en de femilie Van Oranje; éne van de titels van könningin Beatrix is Vrouwe van Willemstad.

Willemstad deurstoand in 1793 n beleg deur de Fraansen, moar wodden oaveregeaven noa den val van Bargen op Zoom. In et beginne van de 19de eeuwe wodden Willemstad bezocht deur könning Lodewiek Napoleon op 27 en 28 april 1809 en deur zienen breur keizer Napoleon op 4 oktober 1811. Den keizer gaf opdracht tot den bouw van n kruuthuus.

In 1874 wodden Willemstad et centrum van de Stelling van et Hollaandsch Deep en et Volkerak. Dat mös Hollaand bescharmen teggen tröppe dee vanuut Broabant et Hollands Diep wollen ovversteaken en den toogäng veur skeape noar et Hollands Deep ofsluten.

Bescharmd stadsgezichte[bewark | bronkode bewarken]

Op 28 mei 1926 wodden den veste bi-j Könninklek Besluut op-eheaven. In 1970 is den hele veurmoalege veste, mit binnenstad en schootsveld, tot bescharmd stadsgezichte verkloard.

Teggenwoordege tied[bewark | bronkode bewarken]

Willemstad leaft teggenwoordig veur n groot deel van toerisme. De stad is éne van de 17 leden van de Vereaneging Nederlandse Vestingsteadn, en richt zich mit under aandere 3 jachthaavns op den watersport. Noast de musea binnen den veste bunt ok de Volkeraksluuzen vlakbi-j et vestingstadjen ne bezeensweerdigheid. Willemstad is vanuut de loch duudelek te zeen in nen sternvörm.

Zee ok[bewark | bronkode bewarken]

Oetstalling[bewark | bronkode bewarken]

Uutgoande verwiezingen[bewark | bronkode bewarken]