Wiesneus

Wiesneus is een pakket an lesmateriålen vöör Nedersaksys underwys up de basisskole. 't Is ontwikkeld döör 't Huus van de Taol in de Drèentse plaatse Beilen.

Inhold

Wiesneus besteyt üüt een gelyknamig blad det sinds 2016 alle jåren verspreid wördt up skolen dey anegeven hebt te willen mitdoon an 't project. 't Blad kümp üüt in meert, de streektaalmånd. Der ståt verhalen, gedichys, lydtys en spöllegys in.

Ok is der een webstee mit verhalen en lydtys dey belüüsterd künt wörden. Dissend is ontwörpen in samenwarking mit de ofdeyling pabo van Stenden Hogeschool Emmen. De webstee hef een ofdeyling vöör kynder in de leeftyd van eyn töt sesse (dey nog neyt künt lesen) en eyne vöör kynder van ses töt twaalf.

Variaanten

De materiålen wördt aneböden in de variaanten Süüdwest-Drèents, Noord-Drèents, Veenkoloniåls, en Midden-Drèents/Süüd-Drèents.

Der bint ok versys van de Wiesneus ontwikkeld in 't Grünnings, Sallaands, Twèents en Achterhooks. Disse edytsys bint, in samenwarking mit 't Huus van de Taol, ontwikkeld döör Centrum Groninger Taal & Cultuur, de Iesselakkedemie, Erfgoedcentrum Achterhoeks en Liemers, Twentehoes en Dialectwärkgroep Heerde/Waepmvelde. In 2019 hebt meer as 300 basisskolen in 't heyle Nedersaksyse gebeed mitedåne an Wiesneus.

Bronnen

• Stok åver Wiesneus döör 't Centrum Groninger Taal & Cultuur
• Basisskoolprojekten van 't Huus van de Taol

Üütgånde verwysing

• De webstee van Wiesneus

Dit stok is eskreven in 't Süüdwest-Drèents van de Drèents-Åverysselse grèensstreek.