Voegelmelk

Oet Wikipedie, de vraaie enzyklopedie
Gao naor: navigasie, zeuk
Gewone voegelmelk

De voegelmelk (Latien: Ornithogalum) is een geslach van bolgewassen in de Aspergefemilie, mar vuil vrogger onder de Hyacintenfemilie. De Latiense naam Ornithogalum is ofkomstig van een ouwe Griekse plaantenaam, dee voegelmelk beteken (ornithos = voegel, gala = melk).

Alle voegelmelksoorten bin wettelijk bescharmd!

Aandere namen[bewark | bronkode bewarken]

  • De Duutse naam Milchstern (melkster) verwies naor de witte bloemkleur en stervormige punten van de bloem.
  • De Engelse naam Star of Bethlehem (ster van Bethlehem) geet oek uut van de stervorm van de bloem en verwies naor de Ster van Bethlehem in 't Biebelverhaol over de geboorte van Jezus.
  • De Nederlaanse namen bin, naos vogelmelk (voegelmelk), oek wel akkermanneke en ster van Bethlehem.

Botanische beschrieving[bewark | bronkode bewarken]

De trosvormig egroepeerde bloemen staon op stelen dee ontspringen in de oksels van lancetvormige, schutblaojen. De bloemen hem zes kroonblaojen, mit op 't midden van de achterkaante een dujelijk herkenbare greune strepe. De deusvruch bevat zwarte zaojen.

De voegelmelksoorten hem een 3 cm breje bol, waorvanuut kleinere ziedbollen kunnen ontstaon. De lienvormige blaojen greuien hieruut vort. Ze bin wat vleizig.

De vruch is een zeshoekige deuze.

Verspreiding[bewark | bronkode bewarken]

De meeste soorten bin inheems in Zuud-Europa en Klein-Azië, al bin der oek een antal soorten inheems in Zuud-Afrika.

Gebruuk[bewark | bronkode bewarken]

De bollen van de plaante bin eetbaar, vergeliekbaar mit schorseneer.

Taxonomie[bewark | bronkode bewarken]

't Geslach hef ongeveer honderd soorten, waorvan der een viertal in de Lege Lanen veurkoemen.

Dit bin:

  • Bosvoegelmelk (Ornithogalum pyrenaicum) hef jonge blaojen dee wel op dezelfde meniere as asperges egeten wonnen. De bloemstengel wonnen 1 meter hoog, de bloemtrossen wonnen 30-50 cm groot. Nao de bleui blieven de bloemen eopend.
  • Gewone voegelmelk (Ornithogalum umbellatum)
  • Knikkende voegelmelk (Ornithogalum nutans)
  • Piramidevoegelmelk (Ornithogalum piramidale) (koemen soms per toeval bie ons veur) is 40-80 cm hoog en ofkomstig uut Zuud-Europa en Klein-Azië. De witte bloemen verschienen in juni-juli in rieke trossen, dee in 't begin van de bleui piramidevormig bin. De bloemblaodjes dreien nao de bleui inmekaar.

Naos disse soorten bin der oek[bewark | bronkode bewarken]

Ornithogalum dubium
  • Ornithogalum arabicum is een 30-80 cm hoge soort dee an 't begin van de zoemer bleui mit komvormige witte bloemen. De plaante overleef in ons klimaot allinnig iezig zachte wienters.
  • Ornithogalum aureum of Ornithogalum minatum is een netuurlijke gele variasie.
  • Ornithogalum balansae is inheems in Anatolië, 't bleui in meert-april mit een groot antal stervormige witte bloemen.
  • Ornithogalum caudatum is inheems in Zuud-Afrika, dee hier lange populair was as kamerplaante of kasplaante. Bie ons is disse plaante mit heur 30 tot 60 cm lange blaojen en 9-10 cm breje knol neet wienterhard. De 90 cm lange bleuistengel zit vol witte bloemen, en is uutstekend bruukbaar as sniebloem.
  • Ornithogalum dubium kump van oorsprong uut Zuud-Afrika, en wonnen tegesworig as kamerplaante eteeld. De plaante hef 1 - 3 bloemstelen mit fel oranje-ekleurde bloemen.
  • Ornithogalum narbonense is inheems in 't Midden-Osen. De bloemen bin stervormig.
  • Ornithogalum thyrsoides wonnen wel zujenwiendlelie eneumd. Disse tot 70 cm hoge soort bleui ofhankelijk van de plaanttied an 't begin van 't veurjaor of an 't begin van de zoemer mit dichte aoren van komvormige, 3 cm grote witte bloemen. Oek disse soort is bie ons mar half wienterhard. Umdat ze bie ons neet wienterhard bin, mutten ze bie ons in kassen ekweek wonnen. In Zuud-Afrika wonnen ze veul as sniebloem ekweek.