Vladimir Poetin

Oet Wikipedie, de vraaie enzyklopedie
Gao naor: navigasie, zeuk
Vladimir Poetin, presideant van Ruslaand

Vladimir Vladimirovitsj Poetin (Russies: Владимир Владимирович Путин, Leningrad, 7 oktober 1952) is nen Russiesen politieker en de presideant van Ruslaand.

Poetin was 16 joar nen Loetenant-Kolonel vuur de KGB. Doar skeaidn he in 1991 met oet um in zinne geboortestad Sunt Petersborg de politiek in te goan. Hee verhuusdn in 1996 noar Moskou en köm oonder dienst van Boris Jeltsin. Doar maakn he rap promosie. Op 31 december 1999 wör he vervangnd presideant, doo't Jeltsin dr plötseling met oetskeaidn.

Noa twee ambtstiedn as presideant, wör Poetin op 8 mei 2008 premier van Ruslaand oonder presideant Dimitri Medvedev. Skoonwal't nen presideant noar t Russiese stelsel op papier heuger steet as nen premier, leek Poetin in t echt nog aait an de töwkes te trekn. Seend 7 mei 2012 is Poetin wier presideant van Ruslaand en ditmoal Medvedev as premier.

Zinne politieke teegnstaanders sprekt skaande van zinne oonderdrukking van persvrieheaid en zin harte anpakn van demonstrasies en opstaandn. Doarnöast sprekt de leu skaande van de grote korrupsie oonder zin beweend en de oarmood woerin't völle Rusn leawt. Bie ne aandere groep Rusn is he geleefd umdet he verhooldingswies stabiliteat, ekonomiesen vuurspood en zelfweardering bracht hef, noa n kroam wat Boris Jeltsin dr van maakt har. De ofkorting van zinn naam (VVP) wörd as zinnen bienaam gebroekt en steet tegelieke vuur de Russiese term vuur "bruto binnlaands produkt". Hee zorgen det t Bruto binnlaands produkt toonöm met 72%.