Umkeuperieje

Umkeuperieje is nen vörm van corruptie. Nen umkeuper probeert biej stemrondes of verkiezingen te winnen of zien zin duur te driewen, duur stemmers geld of mooie baantjes te beloaven as ze in zien vuurdeel stemt. Umkeuperieje wördt ezeen as verkeerd, umdat et de earlikheid en geleufweardigheid van stemrondes ontkracht.

Umkeuperieje is vake een teken at et der in een land neet best vuursteet met de knippe. Oarme en earlike leu komt doarduur neet wieder in et leawen, terwiel as leu met centen (en criminelen) op de beste steas bliewt zitten. Et is ook neet best vuur et vertrouwen in de oprechtheid van politie en rechters. As dee ja net zo makkelik metkuiert of de ogene dichte kniept a'j ze wat centen in de hande drukket, kö'j der neet völle van op an a'j ze tegen oe hebt. Dan wint denne met ne dikkere knippe et altied. Zo ontsteet ne krange situatie: iej mut der wal an metdoon, anders zin iej oezelf te gek of.