Veankel

Uut Wikipedia, de vrye encyklopedy

Veankel (Foeniculum vulgare) is ne plaante oet de skoarmbloomfamilie (Apiaceae). De plaante smaakt noar anies, en wörd ezeen as n kroed (de täkke en t dröadige loof), mer ook as greunte (De verdikkige oonderan n steln van knolveankel). Bladveankel hef ginne knolle. De plaante kan nen kearl boawn t heuwd gröain.

De zöa zeent al eeuwnlaank bekeand um öare geneaskrachtige woarking. Ze wordt op verskeaidene maneern töt medisien emaakt. t Krachtigste medisien is veankelöllie, wat oet de zöa perst wörd. Mangs wörd dr ook tee van etrökn.

Veankelzoad is good vuur de doarmen en bie probleemn met de menstruasie. t Wörd ook gebroekt um borstvoding an te maakn, umdet de öllie van de zöa völle anethol inhef (n fyto-oestrogeen).[1] Dr wordt ook völle medisienn oet veankel emaakt.

Veankel keump van oorsproonk oet Azië en wör al in de Middeleeuwn oawer de oolde haandelsweagn noar Europa bracht. Vuural in Zuud-Europa wörd dr völle veankel kweekt, en in völle salades broekt. Ook is dr soep van te maakn.

Duur op veankelzoad te kauwn krie'j meender gaauw honger. Vroger, as de leu zoonder etn noar de koarke gungn, atn ze mangs veankelzoad oonder n koarkdienst.[2]

Nedersaksies[bewark | bronkode bewarken]

[disse mal bewarken]

Oetgoande koppelink[bewark | bronkode bewarken]

Bronnen / wellen:
  1. Fennel and anise as estrogenic agents, J. Ethnopharmacology PMID 6999244
  2. Vivian A. Rich, Cursing the Basil (1998) (Google books)
Wikimedia Commons Commons: Veankel - plaatjes, filmkes en/of gelüüdsbestanden.