Tee (draank)

Oet Wikipedie, de vraaie enzyklopedie
Gao naor: navigasie, zeuk
Teeplantazie in Hangzhou in Sjina

Tee is nen draank den at wörd verkreegn duur blaaks van de teeplaante (camellia Sintensis) in water te kokn. t Is ontdekt in Sjina n poar doeznd joar terugge, en via de Engelse kolonies noar de Westerse wearld ebracht. Rechtevoort beent dr grote teeweaides in t hele Azië. In Engelaand wörd, aanders as in de rest van Europa, mear tee as koffie edreunkn en de dag hef doar zelfs n spesjaal teemomeant.

Tee in t Neersassiese gebeed[bewark | bronkode bewarken]

In Tweante wörd tee meesttieds as nen vrouwndraank ezeen. Oawer t algemeen wörd dr meer koffie as tee edreunkn. "Tee is vuur zeke leu" wörd vake zegd. Toch beent der verskeaidne teefabrieken in t Neersassiese gebeed, zo as dee van Houwerzijl in Grönningn en dee in Leer in Oost-Freeslaand.

Ne spesjale positie in de teewearld neamp Oost-Freeslaand in. De teefabrikant "Bünting" bie Leer is ene van de grötste teefabrikanten van Duutslaand. Dat keump duurdet dr in Oost-Freeslaand ne echte teekultuur besteet. Dr wördt wal es beweard dat dr in Oost-Freeslaand mear tee edreunkn wörd as in Engelaand. Tradisjoneel wörd elk uur ne komme tee edreunkn. t Tradisjonele Oost-Freeske teeservies besteet oet nen teepot, köpkes op sköttels en n leppelken dr in, n känneken room (of koffiemelk) en n pötjen met kandiessuker-brokken (kleuntjes). De echte "Oostfresentee" wörd emaakt duur de tee in n apart netjen of ziejken te doon en det in n pot met koknd water te doon. As de tee in t water etrökn is, wördt t leppelken in t köpken teegn n raand ezat en wördt de tee in eskeunkn. Doarnoa wördt n room laanks t leppelken in de tee eskeunkn, woerduur dr n wolkjen ontsteet. As leste wörd dr n kleuntjen in edoan met nen sukertang.

In den Achterhook besteet der nen tee-tied, krek as in England. Traditioneel drinkt Achterhookers um twee uur tee en de riekeren Achterhookers um dree uur. Disse tradietsie wöd neet mear so völle gebroekt.

Kloarmaakn[bewark | bronkode bewarken]

Tradisjoneel wörd tee emaakt duur water te kokn en doar n zäkn met teeblaaks in te hangn. De teesmaak trekt dan duur t water en t water kö'j dan dreenkn. As oe det nit zeute genog is, kö'j doar nog noar eegne smaak suker en (meesttieds vuur kleaine keender) meelk bie doon.

t Kloarmaakn kan met verskeaidene apparaatn, mear t teemaakn is nog aait van koknd water en teeblaaks ofhaankelik. Dr besteet ook oplöstee, n poeder van emaaln teeblaaks dat oplöst in t water.

Smaak[bewark | bronkode bewarken]

Tee hef ne wat bitterzeute smaak. Doarumme wörd dr vake wat suker bie edoan. Ook beent dr rechtevoort kruudntee en vruchtntee te kriegn. An t teezäkn beent dan, nöast de gewone teeblaaks, ook nog vruchtn of kruudn bie edoan. Hierduur krig de tee ne extra smaak. Vuurbeeldn hiervan beent rooibos, kers en mango, mear t anbod is onmeundig groot en dr wordt ook too verdan nieje dinge oet edacht.