Terschuur

Uut Wikipedia, de vrye encyklopedy

Terschuur (ok wel Schuurdaarp of Sjuurdaarp eneumd) is n daarp in de gemeente Barreveld, in de Nederlaandse provinsie Gelderlaand. t Daarp ligt in de Gelderse Vallei, kortbie de A1. t Daarp het, mit de umgeving derbie, 1510 inwoeners (2008). t Daarp vormt n duodaarp mit Zwartebroek dat n paor kilometer noordeliker ligt; veul sosiaole aktiviteiten worren samen edaon.

De buurtschap Kallebroek ten zujen van de A1, bie t bos- en heedgebied Erika, heurt ok bie Terschuur. Veerder staot n paor kilometer ten zujen van t daarp n korenmeul uut de 15e eeuw, "Den Olden Florus" (ok wel de Kallebroeker Meul eneumd).

Geschiedenis[bewark | bronkode bewarken]

Terschuur is ontstaon langerst de ouwe Hessenweg, van Amsterdam naor Deventer. Hier ha'j n tolhuus, dat veur belangrieke inkomsten zorgde. Boerderie De Tolboom doet hier nog an denken. t Daarp is eneumd naor Huus Terschuur, dat in 1421 deur t Sticht in braand estoken is.

Geleuf[bewark | bronkode bewarken]

Binnen t daarp bin drie kaarkelike gemeenschappen aktief. Twee kaarken vanuut de PKN: een van de hervormde en een van de griffemeerde kaant. En n daarde kaark, de Hersteld Hervormde Kaark.

Vrieje tied[bewark | bronkode bewarken]

  • Deur Terschuur loopt de wandelroute E11. De route komt vanof de richting Amersfoort, via de brug over de A1 ten zujen van t daarp. De route gaot dan richting t noorden veerder, naor t buurtschap Appel.
  • An de snelweg bie Terschuur he'j t Ouwe Ambachten & Speulgoed Museum zitten.

Terbroek[bewark | bronkode bewarken]

Terschuur vormt n duodaarp mit t twee kilometer noordeliker elegen veendaarp Zwartebroek; in de volksmond 'Terbroek' eneumd. Veul daarpse aktiviteiten worren samen edaon, dit wort eorganiseerd deur Stichting Terbroek.

Plaotjes[bewark | bronkode bewarken]


Dit artikel is eskreaven in et westveluwske dialekt van Barreveld, in de Algemene Nedersaksiese Schriefwieze.