De Gliend

Oet Wikipedie, de vraaie enzyklopedie
Gao naor: navigasie, zeuk

De Gliend (Nederlans: De Glind) is een klein adarp in de gemeente Barreveld in 't midden van Nederland, in de previnsie Gelderland. 't Leit tussen Barreveld zelf en Leusden in en het ongeveer 641 inwoners (2004).

't Daarp staot veural bekend um de protestanse jeugdinstelling de Rudolphstichting die hier zit, en staot daorum ok bekend as 'Jeugddorp De Glind'. Veural daordeur het 't kleine daarp veul recreatieve meugelijkhejen veur de jeugd, zoas een kienderboerderie, menege, jeugdharbarg en een zwembad.

Toch is 'De Glinder Booyhoek' heel wat ouwer as 't jeugddaarp. 't Karspel Barreveld besting vrogger uut 't daarp en de buurtschappen Kallebroek, Esveld en De Gliend. In de leste buurt lei ok 't huus De Glinthorst - een forse woontoren mit een antal biegebouwen. De heren van disse havezate han een paor boerderiejen in de umgeving zoas Bergstein, Den Brom (ok wel Kleijn Schaffelaer eneumd), Groot Birreveld, Klein Birreveld, De Knip en Burgstede. In de 19e eeuw was 't antal bewoners van De Gliend zo estegen dat 't gemeentebestuur in 1854 besleut der een openbaore legere school te bouwen.

Uutgaonde verwiezingen[bewark | bronkode bewarken]