Tåfel

Uut Wikipedia, de vrye encyklopedy
Nå navigaty springen Nå söken springen

Nen tåfel (düütsk neadersassisk: disk) is en möäbel wat besteyt uut ne vlakke plate. Vake röstet tåfels up minstens eynen pout, mär der sint ouk modellen dee as as upklapmodel an de müre vaste sittet. Se sint bedoold üm saken up te leggen of setten, an te warken of te eaten. Afhangelik van et model, et beougde dool der van en de höygde kön y an nen tåfel stån, sitten of liggen.

Gröttes loupet uuteyne, van kleine bysettöäfelkes, koffytåfels en eattåfels töt groute oaverlegtåfels. Mangs hebbet se radekes, wårmed se verrydbår sint. Ouk gevt et inklapmodellen, dee as upevolden en upebörgen worden köänet.

Et woord tåfel kümt van et latynske tabula (plat vlak, bord of planke). De Olde Egyptenaren warren de eyrsten wårvan tåfels evünden sint, sou'n 2500 jår weaderümme.

Tåfels vuldoot meysttyds an de volgende kenmarken:

  • en blad - ne veerkante, rechthokige, dreehokige, runde of ovalene planke
  • eyn of meyrdere pöyte - de meyste tåfels hebbet der vere, mär dree of eyne sint ouk nit ungewoan.
  • lades - uutskuuvbåre bäkke dee as under et warkvlak hangt en wår as saken in upebörgen worden köänet.

Soorten[bewark | bronkode bewarken]

Der sint heyl wat soorten tåfels, afestemd up öär beougde bestemming en gebruuk.

  • Eattåfels - vöär eaten en dineren as sociaal geböären
  • Nachtkästkes - kleine töäfelkes nöäst et bedde üm nen wekker of leaslampe up te setten, of üm den smartphone, nen bril of künstgebit up te leggen vöär et slåpen. Vake uutebreided med eyn of twey skuuvlades.
  • Bysettåfels - vöär nöäst banken en stöle, üm drinken up te setten, böke, tydskrivten en kranten up te leggen.
  • Koffytåfels - kleiner as nen eattåfel, bedoold üm vöär ne banke te setten en üm drinken up te setten, leasvoor as böke, tydskrivten en kranten up te leggen en as verfråing van de woankamer. Vake dekoreerd med en blomenvase.
  • Teykentåfels - vöär et warken an (techniske) teykeningen. Vöär beater oaversicht vake uuterösted med en kantelblad.
  • Warkbanken - Groute, steavige holten tåfels, bedoold vöär (ståndebeyns) herstelwark, of technisk handwark.
  • Ståtåfels - eynpouts tåfels, bedoold vöär stånde gadderinge as netwarkåvende, feysten en receptys.
  • Spöltåfels - förmgeaven vöär bepålde spöllen en vermaak: biljarten, poolen, snooker, schaken, tåfeltennis, tåfelvootbal en vöär gokspöälen in gokhüse.