Snooker

Uut Wikipedia, de vrye encyklopedy
Nå navigaty springen Nå söken springen

Snooker is nen tåfelsport wårby as y med nen stoatstok klöärige bälle up nen bepålden volgorder in gaeter in nen tåfel müt stoaten. Den oorsprung ligt by officyrs van et britske leyger dee in India leygerd warren in de tweyde hälvte van de 19. eywe.

Et wördt spöäld up nen rechthokigen tåfel med upstånde rände. Up et spöäldek ligt een gröön kleyd, et dook. Up alle höke en up et midden van de lange syden is een gat (nen pot) in de sydkanten. Med nen köy, nen taps toloupenden stok, stoatet spöälers teagen nen witten bal, wårmed as se 21 klöärde bälle müt antikken üm dee in de gaeter te spöälen (te potten). Yderen klöär hevt ne püntenwaerde. Den spöäler med de meyste pünten nådat alle bälle vordespöäld sint, hevt ne partye wünnen.

Spöälers müt eyrst nen rouden bal (van 1 pünt) potten en magt dan pas ne andere klöär proberen. As et lükket üm nå den rouden ouk nen anderen klöär te potten, wordt de klöärde bälle weader terügge legd up öäre vaste steade up et dook.

Snooker untstünd do as in 1884 Sir Neville Francis Fitzgerald Chamberlain, nen leygerofficyr stationeerd in Ooty, Tamil Nadu, de regels van piramidepool en black pool by mekander voogden. Et woord snooker was lange tyd een woord voor nye rekruten of unervaren militäär personeel. Et spel kreag voordan meyr bekendheid in et Vereanigd Köäninkryk en in 1919 wör de Billiards Association and Control Club sticht. Et spel wördt rechtevoord besteerd döär de World Professional Billiards and Snooker Association (WPBSA).

Et Wearldkampioonskap Snooker wördt seyd 1927 organiseerd. Joe Davis, een belangryk man by de eyrste verspreiding van de sport, wör 15 mål achter mekander kampioon, tüsken 1927 en 1946. De 'moderne tyd' begün in 1969 do as den britsken ümmeroup BBC der een televisyprogramma an wydden en in 1978 de wearldkampioonskappen filmden. Andere belangryke figuren vöär de bekendheid van et spel warren Ray Reardon in de jåren '70, Steve Davis in de jåren '80 en Stephen Hendry in de jåren '90. See wünnen allemål ses of meyr kampioonskappen. Seyt 2000 hevt Ronnie O'Sullivan de meyste kampioonskappen up naam. Topspöälers gåt rechtevoord regelmåtig de wearld rund üm vöär miljonen an prysengeld te spöälen in de World Snooker Tour.