Symfony

Uut Wikipedia, de vrye encyklopedy
Nå navigaty springen Nå söken springen
Et Kölner Filharmonisk Orkest by et uutvoren van Gustav Mahler syn Achtste Symfony

Ne symfony is en uutgebreid musikaal stükke in westerske klassike musik, skreaven döär komponisten, meysttyds vöär orkesten. Al hevt et woord verskeidene bedüdingen had seyd den oldgreeksken oorsprung, an et ende van de 18. eywe had sik de bedüding eförmd wat et vandage noch hevt: en wark wat meysttyds uut verskillende afsünderlike beweygingen of deylen besteyt (vake vere), med ne sonate as eyrste deyl.

De meyste symfonyen sint skreaven vöär en orkest wat besteyt uut strykers (viole, viola, cello en kontrabas), koaperblåsers, holtblåsers en slagwark, by mekander tüsken de 30 en 100 man. Symfonyen wordet eskreaven in musiknouten, med alle instrumenten up nen afsünderliken noutenbalken. By wat symfonyen, sou as den Neagenden van Ludwig van Beethoven, sittet ouk sangpartyen by in.

Et woord symfony kümt van et greekske συμφωνία (symphonia), wat 'oavereynstemmend gelüüd' bedüüdt.