Klassike musik

Uut Wikipedia, de vrye encyklopedy
Nå navigaty springen Nå söken springen
Strykkwartet in Wenen

Klassike musik is en oaverkupelend woord vöär meyrere formele musikstylen uut de westerske wearld, dee as meysttyds gemeyn hebbet dat se döär klassike instrumenten (meysttyds snaar- of blåsinstrumenten) uutevoord wordet. Klassik steyt dan teagenoaver volksmusik en popmusik.

Den name 'klassike musik' wör pas in den 19. eywe vöär et eyrste bruked. Binnen de klassike musik wördt vake oaver tydperken eküürd: middeleywsk (de jåren 500 töt 1400), Rennaissance (1400 - 1600), Barok (1600 - 1750), Klassik (1750 - 1820), romantik (1800 - 1910), modernisme (1890 - 1975) en postmodern (1950 - nu). Alle jårtallen sint ruwe skattingen. De oavergänge der tüsken verlöypen geleidelik en wat styltyden warren wat starker te verneamen as anderen.

Eyn vöärnaam kenmark van westerske klassike musik is et gebruuk van noutenbalkens, dee seyd de 11. eywe al bruked wordet. Katolike monniken untwikkelden de eyrste förme vöär modern europääsk musikskryven, üm et vöär de Karke oaver de heyle wearld etselvde te krygen. Westerske musikskryverye helpet musikanten üm tounhöygdes en -längdes te begrypen in en musikstükke.

Under klassike musik vallet beide ewyde (kristelike) musik en musik vöär et vermaak. Anders as andere musikstylen düt klassike musik meysttyds neet in strakken leedform med versen dee yderbud etselvde klinget, mär steyt klassike musik bekend üm de untwikkeling van hougdraevende förme van instrumentäle musik, sou as de symfony, et concerto, de fuga, sonate en mengstükke van sang en instrumentale musik sou as de opera, cantate en de mis.