Ni'je Testement

Et Ni'je Testement is een verzaemeling religieuze geschriften beheurend tot et kristendom. Et vormt et twiede diel van et heilige boek van de kristenen, de Biebel. Hoewel de krekte datering muuilik is wodt algemien anneumen dat de geschriften van et Ni'je Testement dateren uut de eerste en/of twiede ieuw nao Kristus. De naeme is een vertaeling uut et Latien van Novum Testamentum, wat een vertaeling is uut et Grieks van Η Καινη Διαθηκη, Hè Kainè Diathèkè, wat "Et Ni'je Verbond of "Et Ni'je Testement" betekent. De vrogge kristenen bruukten et oorspronkelik om heur relaosie mit God an te geven.

Et Ni'je Testement beschrieft daoden en woorden van Jezus die neffens et kristendom en et Ni'je Testement de Messias en de stichter van et kristendom is. Veerder staon de vrogge geschiedenis van de eerste kristelike gemienschoppen en de leer en de prediking van de apostels d'r-in beschreven. Et Ni'je Testement vormt daormit de veurnaemste grond van et kristelik geleuf. Binnen dat geleuf wodt behalve de Biebeltekst van het Oolde Testement ok die van et Ni'je Testement as et Woord van God beschouwd.